Ɓaɛbulanía 4:15 - Ɔngana á Kɛ̌kɛ

¹⁵ nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.

Ɓaɛbulanía 4:15 Iomraidhean Croise

Matáyɔ 12:20

Káɓúnɛku manganga nde ěgbuki, káimɛku ɔbɛa nde owanga í a phɔ́tɔ n'aojegia ábɔa. Ageaeka tɔ ɓó, na ka ɓî koɗoni amamagaeka.

Matáyɔ 4:1

Mbusa á ɓatisa á Yéso, Měma á kanga ɓojeɗe áonsɔndɔɛa ka nkanda, ka gea nketi ántombɛgɛ.

Lóka 22:28

Ɓenu ndiu ɓáunge ɓotóphiphíí ika kimoci n'eme ka tambaga nɛmɔ.

Lóka 4:2

Kó, Nketi áontombaga esa nkama gena (40). Cɔ, ka ɓ'esa ndɔ bui, Yéso na nna tanda oeaga. Mbusa índɔ, nja áɔmbɛɗa.

Yoáni 8:46

Cɔ, ka ɓenu sina nde amɔtɔngande gea negi ɓojeɗe? Kaɓɛ nɛɔyɔnga ɗoni, nyɔngɔ sina nde ɓókóomoɓeekea?

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 2:22

Yɛ, ɗákági tanda ɓojeɗe, na ɗákáyɔngi tanda mbɛa.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.