Ɓaɛbulanía 4:12 - Ɔngana á Kɛ̌kɛ

¹² Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

Ɓaɛbulanía 4:12 Iomraidhean Croise

Lóka 8:11

Cɔ, kantíti á mɛní ndɔ a ɓe: Mbó ndɔ ande Nyɔngɔ á Mokonga.

Yoáni 12:48

Nkpa nde amoyé, na nnaoɓeekea nyɔngɔ nɛmɔ ɓátenaeka nyɔngɔ nɛkɛ akpɛ. Nyɔngɔ nde ɗéyɔngi aunge, atenaeka nyɔngɔ akpɛ k'ésa á sungiaga á mokonda.

Yoáni 6:51

Nende mokati á endisa, nnde atóki na koba. Aoɓá nkpa n'aí ka mokati ndɔ, aendande mɛyɔ. Mokati ndɔ, ande kesuku ani, nnde něgabeande ɓato á ka mokonda ka gea, ɓáɓɛ na enda.»

Ekuma á ɓateki 2:37

Ɓî ɓakpa ɗáɓáɔ́ki nyɔngɔ ndɔ, áǒsumba ka měma. Ɓáomúsia Pɛ́tɛɛ na ɓateki ɓuangbo te: «Ɓaya, ɓegeande ɓo?»

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ekuma á ɓateki 5:33

Ɓî ɓato á ka ntua ángbó á ɓɔphɛi ɗáɓáɔ́ki ɓó, nyɔngɔ ndɔ áǒsumba ka měma, ɓáokaɓa aphe á mowa ɓateki.

Ekuma á ɓateki 7:38

A phɔtɔ aámbɔ ɗáedondanisigi Ɓaisilaɛ́li ka nkanda. Ɗáiki na ɓatatasu, phɔtɔ na malaéka, mmbɔ ɗáyɔngi na yɛ ka mamba á Sinái. Yɛ aámbé ɗá phɔ́ ɔɔ́ka mbino á endisa, mpɔ áɔsɔtɔnganisia ú.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

1 Ɓakɔlítɔ 1:24

Ka ɓunde gǎkɛ Mokonga ɗáɛ́ɓɔphani, kaɓɛ Ɓayúda, kaɓɛ ɓunde ɓáná Ɓayúda, Kiísito ande ɓukpɛkpɛ ndea Mokonga na kɔɓɔɔngɛ ndea Mokonga.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓaɛphɛ́sɔ 5:13

Mbenɔ nde ɓáká ye gǎkɛ ogbukumiaga kema ndɔ, econji í ánjá áɔsɛnɛka ka owanga.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓaɛphɛ́sɔ 6:17

Bɛɗani ɓoamia á ka měma ɓea kekombó á ngɔa na Mbino-Ánjá ɓea píndí nde Měma á kanga ɓojeɗe abikisi.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

Ɓaɛbulanía 6:5

ɓâ phɔtɔ oɗíía nyɔngɔ ánjá ndea Mokonga na ɔ́ka ɓukpɛkpɛ á matú nde abikande,

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

Mphaniɔ 1:16

Ɗábɛɗi ɓasɛɛngɔa ngianjaga iɓɛ (7) ka njaga akɛ á mǔku, píndí nde aophea nci gbɔgbɔ áojúana k'aphenɔkɔ akɛ. Keongi akɛ áɔbɛnya akpɛ ɓea maní ka kantende.

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.

Mphaniɔ 19:21

Ɓáǒma ɓunde ɓájigi na píndí nde ɗátóki k'aphenɔkɔ á mmbé ɗákǎmbi gǔ á Phalási émani. Ɓambǔ ɓɔbu ɓáoisana na kesuku aɓɔ.

Mphaniɔ 2:16

Cɔ, kětiani tambea anu. Kaɓɛ na nna ɓó, nekamisagande bika á mɔtɛ-anu, néomana na ɓakpa ndɔ na píndí ndɔ aotóka k'aphenɔkɔ ani.

Mphaniɔ 2:23

Kaɓɛ na ɓákáɗeketi, němowande ɓakpa nde ɓágamani na yɛ. Mpɔ, ɓato á ka kanisa ɓɔbu ɓáúbande gea, neoengekisa mɔphɛ á ɓakpa na kanisia aɓɔ. Úbani gea, nemphendande nkpa na nkpa sɔsɔɓɛ anu ka ɓeana na tambea akɛ.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).