Ɓaɛbulanía 4:11 - Ɔngana á Kɛ̌kɛ

¹¹ Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Ɓaɛbulanía 4:11 Iomraidhean Croise

Matáyɔ 11:12

Kpanga ka matú ndɔ Yoáni-Mɓatisi ɗáphɛi na ka kɛ̌kɛnde, ɓakpa ɓáoyombokisa koɓoamɛ ndea na koba, na ɓato á ɓukpɛkpɛ ɓáunge ɓáokaɓa suganea í.

Matáyɔ 7:13

Gǎni ɓóngiɛ ka kǐo nde akɔtɔkani. Nga, kǐo ágbae aunge ande aphe nde aoɓúngisaga. Ɓakpa ɓásii ɓáunge ɓáongia k'aphe ndɔɔ.

Lóka 13:24

«Geani ɓukpɛkpɛ anu ka ngia ka kǐo áɔkɔtɔkana. Nga, nenóngoɗi gea, ɓakpa ɓásii ɓákáɓande ngia kau, ɓákátɔkɛku.

Lóka 16:16

Matú ɛ́ɔphi ndea Mósa na ɓuku á ɓaɔtu-nyɔngɔ ndea Mokonga ɗáge osungiaga ka saga ndea Yoáni-Mɓatisi. Kpangea esa ndɔ unge Mbino-Ánjá á koɓoamɛ ndea Mokonga aúbikani, mpɔ nkpa buakɛ a tɔ ǒkukumisa ka gea ángiɛ kau.

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

Ekuma á ɓateki 26:19

«Moamɛ Agiípa, ka nyɔngɔ índɔ unge kɛ́ɓɛnjigi mphaniɔ nde ɗátóki na koba.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓakɔlɔsái 3:6

Ka nyɔngɔ índɔ unge, esúia ndea Mokonga aɓande ka ɓunde ɓánáɔmɔ́ka yɛ.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 3:18

Ɓaani ɓunde Mokonga ɗáɔphí ka phɔaɓɔ gea ɓákángiɛku ka nji nde Mokonga ɗéɛ̌ɓɔngisíí ka úmbia kau? Nna phɔ́ tɔ ɓaɗaki kecuɛ ndɔ?

Ɓaɛbulanía 4:6

Ɓî ɓakpa nde ɗáɓáɔ́ki nyɔngɔ ánjá k'ama mosá-mosá ɗáɓákángi ka nyɔngɔ á kanga ɓeekea nɛɓɔ. Cɔ, ka ɓondɔ, ɓakpa ɓunɛngbo ɓá ye tɔ n'aphe á ngia ka muúmbiɔ ndɔɔ.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

2 Pɛ́tɛɛ 2:6

Mokonga ɗáteni phɔtɔ akpɛ nyɔngɔ á ntanga-nji á ka Sɔdɔ́ma na Gɔmɔ́la, áoɛkɛkisaga ú na nsa, áoɓá ebǔ. Nndɔ áoɓá mphangiɔ ka ɓunde ɓánáomɓánga Mokonga.