Ɓaɛbulanía 3:12 - Ɔngana á Kɛ̌kɛ

¹² Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 3:12 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 24:4

Yéso áǒsikisia te: «Ɛ́ngɛphani! Nkpa kanódemɛmbɛ.

Málikɔ 13:23

Ɓenu gǎkɛ, ɛ́ngɛphani, ka nyɔngɔ nde ɗénɔtɔ̌mi ye nyɔngɔ bui mosá.»

Málikɔ 13:33

Eya, ɛ́ngɛphani, ɓókoɗɛmbɛ. Nga, ɓókóoúba esa ndɔɔ.

Málikɔ 13:9

Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Lóka 21:8

Yéso áǒsikisia te: «Ɛ́ngɛphani! Nkpa kanódemɛmbɛ. Nga, ɓakpa ɓásii ɓábikande k'ína ani na ɓáɔyɔnga gea: ‹Eme aámbé, nende Kiísito!› ‹Mbenɔ a ye tɔ bíbí.› Nanga áɓá ɓó, ɓókǒɓeɛmbɛ.

Ɓalɔ́ma 11:21

Nga, aoɓá Mokonga na ɗákáegami Ɓaisilaɛ́li ɓunde ɓá ɓea ɓantabi á ɗoni ka gea te ɓámɔtɛ, nna gǎkɛ oɓɛ ámbé akoɗeketande ɔ́mɔtɛ.

1 Ɓakɔlítɔ 10:12

Cɔ, nkpa nde aokanisia gea te, amame, éambɛ. Kaguɛ mɔnɔ.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

1 Ɓatɛsalɔníka 1:9

Nga, ɓáɔsɔ́tɔmiaga sasaɓɔ ɓî ɗóɓosósesi ka kiɗia asu mɔtɛ-anu, na ɓî ɗóɓoɗu nkumba ésomba ájeɗe, ɓóǒpháia ka Mokonga, ɓóoɓá ɓabɛɗanigi nɛkɛ. Nga, Mokonga aámbé aoenda mɛyɔ n'ande Mɔkɔta á ɗoni á na koba.

Ɓaɛbulanía 10:31

Cɔ, ande ngomi phɛɛ ka nkpa nde agúande ka njaga Mokonga mmbé aoenda.

Ɓaɛbulanía 10:38

Nkpa nde ande nto á ɗoni mosá ani, aendande ka nyɔngɔ á ɓeekea. A gǎkɛ oɓá n'ěcoe, měma ani káɓɛku na maseye ka yɛ.»

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 12:22

Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 3:10

ka ɓasaga nkama gena (40). Ka nyɔngɔ índɔ unge ɗɛ́ɓɛi ka phɔa ɓakpa ndɔ néogea: ‹Kanisia á ka měma aɓɔ aǒɓúngisaga esa bui. Ɗáɓáyé gǎkɛ ɓeá aphe ndeamɔ.›

Ɓaɛbulanía 3:19

Ɓɛɔni gea ɗáɓákatɔki ngia ka nyɔngɔ nde ɗáɓákáɓeeki.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.