Ɓaɛbulanía 2:9 - Ɔngana á Kɛ̌kɛ

⁹ Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

Ɓaɛbulanía 2:9 Iomraidhean Croise

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 6:28

Ka nyɔngɔ sina nde ɓooianaga ka nyɔngɔ á ngɔ́mbɛ? Ɔnani phɔ́ maya á k'osaa nde ɓî atɛi kema ánjá, nnaɔbɛɗanaga, nnaophopha.

Málikɔ 9:1

Mpɔ, Yéso â phɔtɔ ǒngoɗea te: «Nenóngoɗi ɗoni, ka ɓakpa nde ɓá wani, ɓákákuwɛku na ɓákáɔni koɓoamɛ ndea Mokonga ɓî akiɗiande na ɓukpɛkpɛ.»

Lóka 9:27

Ɗoni! Nenóúbisi gea, ka ɓakpa nde ɓá wani, ɓákákuwɛku na ɓákáɔni koɓoamɛ ndea Mokonga.»

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 10:17

Cɔ, Abɛ amokondi nga, neɓeeki kukuwa ka gea, néendɛ goto.

Yoáni 12:32

Eme gǎkɛ, mbenɔ nde ɓámotáisande ka mokonda nde, něɓoteande ɓakpa ɓɔbu.»

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 8:51

Nenóngoɗi ɗoni, aoɓá nkpa n'aambi nyɔngɔ nɛmɔ, kákuwɛeka ye tanda.»

Yoáni 8:52

Mpɔ Ɓayúda ɓáongoɗea: «Kɛ̌kɛnde ɓeúbi ye tɔ gea ona ɓansombo. Abalaámu, na ɓaɔtu-nyɔngɔ ndea Mokonga, ɓáku. Oɓɛ gǎkɛ, ogi: ‹aoɓá nkpa n'aambi nyɔngɔ nɛmɔ, kákuwɛeka ye tanda.›

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ekuma á ɓateki 3:13

Nna ɓó, atambi ka ɓukpɛkpɛ ndea Mokonga, mmbɔ ɓatatasu Abalaámu, Isáka na Yakɔ́ɓɔ ɗáɓámbɛɗaneigi. A phɔtɔ aámbé anɗokomisi mbɛɗanigi nɛkɛ Yéso ka ketangaɔ ndee. Ɗóɓombisi ka njaga á Moamɛ Pilátɔ, ɓóon'yá. Nanga ɓî ɗákondi ɗeketa akɛ,

Ɓalɔ́ma 5:18

Cɔ, ka nyɔgɔ nde ɓojeɗe ndea nkpa moci aunge Mokonga ateni nyɔngɔ á ɓakpa ɓɔbu akpɛ, a phɔtɔ ɓó ka nyɔngɔ á nto á kanga ɓojeɗe moci tɔ, Yéso Kiísito, ekuma nɛkɛ aékoɗigi ɓakpa ɓɔbu ka tena á nyɔngɔ na opha á ɓɔ enda.

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

Ɓaɛbulanía 1:9

Nga, okondi ɓonjánja, ôkangea ɓojeɗe. Ka nyɔngɔ índɔ unge Mokonga, Mokonga ndeakɔ aɔsɔmbu, áokosia gamba á jaí ka mɔ̌. Ɗákoɗokomisi ndiu ka sɔmbɔa akɔ ka nkíndí á ɓadakɔ.»

Ɓaɛbulanía 10:5

Kaɓondɔ unge, mbenɔ á ngia á Yéso ka mokonda ɗáyɔngi gea: «Ɗókókóndi ɔphɛ́ɔ na ɛkɔmi ka Mokonga, ô ndiu oconja nyama á kokpa ka phɔani.

Ɓaɛbulanía 11:5

Ka nyɔngɔ á ɓeekea ndea Ɛnɔ́ka, Mokonga ɗántóisi na koba na káku. Ɗákáɔnɛkani ye nga, Mokonga aámbé ɗántóisi. Ɓuku á Mokonga ayɔngi gea, mosá á gǎ akɛ na yɛ, Ɛnɔ́ka ɗáogea kema nde ɗáɔmɓɔngɛa Mokonga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 2:7

Ka mbenɔ ábɔa, ɗóndidisi kusi á ɓamalaéka, ômopha ɓoombia na ɓokutú.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

Ɓaɛbulanía 8:3

Ngbɛga á ɓatoɓeigi-phɛ́a buakɛ, ɓámbisi ka phúia ɛkɔmi ka Mokonga na ka phúia phɔtɔ ɔphɛɔ. Cɔ, akeni phɔtɔ gea mmbé ɓ'asu áɓɛ na kema nde aphúiande.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

Mphaniɔ 19:12

Iso akɛ ɗáɔbɛnya ɓea ɛɛmbɛ á nsa. Ɗáɔ́li kekombó á koɓoamɛ ásii ka mɔ̌ akɛ. Ɗáɓáɗundu ina gǔ akɛ. Yɛ sasakɛ tɔndɔ aámbé ɗáúbi ú.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.