Ɓaɛbulanía 2:17 - Ɔngana á Kɛ̌kɛ

¹⁷ Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 2:17 Iomraidhean Croise

Ɓalɔ́ma 15:17

Mpɔ ye tɔ nɛɔtɔka na něbebi ka jukana na Yéso Kiísito ka nyɔngɔ á ekuma ndea Mokonga.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓaɛphɛ́sɔ 2:16

Ka nyɔngɔ á kukuwa á Kiísito ka moyangɔ, yɛ ɗáejúkanisi ɓɔbu ka ɓá nyama moci, áɓá phɔtɔ kɔ̌ɔnganisa ɓɔ na Mokonga. Ka moyangɔ unge ɗáúji nsengo.

Ɓakɔlɔsái 1:21

Kala, ɓenu gǎkɛ ɗóɓotú ɗanga na Mokonga, ɓóoɓá ɓaɓiɓia akɛ ka nyɔngɔ á úbapha anu na tambea anu ájeɗe.

Ɓaɛbulanía 10:21

Cɔ, ɓena ngbɛga á ɓatoɓeigi-phɛ́a mmbé ěmamei ɓato á Mokonga.

Ɓaɛbulanía 2:11

Nga, Yéso mmbé aosokosea ɓojeɗe á ka měma á ɓakpa na ɓunde Yéso ěsokosei ɓojeɗe, ɓɔbu ɓá tɔ na nyama á kokpa. Ka nyɔngɔ índɔ unge Yéso nna okuwa na soni á ɔphana aɓɔ ɓana-ayi.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

Ɓaɛbulanía 2:16

Nga, kábiki tanda ka enga á ɓamalaéka, abiki ndiu ka enga ɛɓɔkɔti ndea Abalaámu.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 3:2

Yéso ɗábɛɗanigi na koɗoni ekuma nde Mokonga ɗámbisi kau, phɔtɔ ɓíndɔ Mósa ɗábɛɗanigi sɔsɔɓɛ á ɓato á k'éndu ndea Mokonga.

Ɓaɛbulanía 3:5

Cɔ, Mósa ɗátú na koɗoni ɓea mbɛɗanigi k'éndu ndea Mokonga na ka tɔ̌miaga á kema nde Mokonga ɗákeni áyɔngɛ.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 4:15

nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.

Ɓaɛbulanía 5:1

Ngbɛga á ɓatoɓeigi-phɛ́a buakɛ Mokonga aámbé ɗánsɔmbu sɔsɔɓɛ á ɓakpa, áombisa ka bɛɗanaga ekuma nɛkɛ ka phɔa ɓɔ. Ande gea te, ntoɓeigi-phɛ́a ndɔ, aámbé aophúia ɛkɔmi ka Mokonga na toɓoa phɛ́a ɗanga-ɗanga ka nyɔngɔ á ɓojeɗe.

Ɓaɛbulanía 5:10

Nga, Mokonga ɗánkumi gea ande ngbɛga á ɓatoɓeigi-phɛ́a ɓea nkókó índɔ á Mɛlkisɛdɛ́ki.

Ɓaɛbulanía 5:2

Ɓî yɛ sasakɛ ana ɓɔɛlu á ka měma, aunge aɔtɔka n'ěkui ngomi ɓunde ɓáogea ɓojeɗe kángá á úba í na ka nyɔngɔ nde ɓáɓungigi.

Ɓaɛbulanía 5:5

A phɔtɔ ɓó ka Kiísito. Nna yɛ sasakɛ aámbé ɗébisíí ɓokutú á ngbɛga á ɓatoɓeigi-phɛ́a. Yɛ, ɗátɔi ndiu ú ka mmbe ɗáyɔngi ka phɔakɛ gea: «Oɓɛ onde Miki-Mǒko ndeamɔ. Kesande eme nende Abakɔ.»

Ɓaɛbulanía 6:20

Wandɔ unge Yéso ɗángí mosá asu ka phɔa asu nga, a ye ngbɛga á ɓatoɓeigi-phɛ́a á kanga sungiaga ɓea nkókó índɔ á Mɛlkisɛdɛ́ki.

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

Ɓaɛbulanía 7:28

Ɓakpa ɓunde ɛɔphi ěbisi ɓea ɓatoɓeigi-phɛ́a, ɓána kisɛki. Cɔ, moyo á Mokonga nnde ɗáyɔngi n'aɔɔpha mbusa ɛ́ɔphi aunge aphangi ndiu base gea Muna-Mokonga ande ntoɓeigi-phɛ́a mmbé akeni ɗoni á ɗoni k'ékuma ndɔ ka saga na saga.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Ɓaɛbulanía 8:3

Ngbɛga á ɓatoɓeigi-phɛ́a buakɛ, ɓámbisi ka phúia ɛkɔmi ka Mokonga na ka phúia phɔtɔ ɔphɛɔ. Cɔ, akeni phɔtɔ gea mmbé ɓ'asu áɓɛ na kema nde aphúiande.

Ɓaɛbulanía 9:11

Cɔ, Kiísito aámbé akiɗi ka gea áɓɛ ngbɛga á ɓatoɓeigi-phɛ́a á kema ánjá nde aobika. Angí suɓi á ɛma ángbó nde ande á ɓonjánja phɛɛ kɔnyɛ́nya nndɔ á mosá. Ɛma ndɔ, nna ɓakpa ɓáunge ɓáɓɔngisigi na njaga aɓɔ. Ande gea te, nna kema á ka mokonda nnde ɓáconji.