Ɓaɛbulanía 13:9 - Ɔngana á Kɛ̌kɛ

⁹ Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Ɓaɛbulanía 13:9 Iomraidhean Croise

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 24:4

Yéso áǒsikisia te: «Ɛ́ngɛphani! Nkpa kanódemɛmbɛ.

Lóka 5:38

Akeni ndiu ɗukia á divai á kɛ̌kɛ suɓi á mboso á kɛ̌kɛ.

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:2

Nkpa nde amɔti ka ɓeekea, aɔtɔka n'aí kema bui, mmbé kámɔtimbɛ ka ɓeekea a gǎkɛ tɔ oeaga nɛkɛ mbuti.

Ɓalɔ́ma 14:6

Mmbé atinganisi esa, atinganisi ú ka ɗokomisa á Mɔkɔta. Mmbé aoea kema bui, aoea ú ka ɗokomisa á Mɔkɔta nga, ambebi Mokonga k'éea nɛkɛ. Mmbé nnaoea eea bui, a phɔtɔ ogea ɓó ka ɗokomisa á Mɔkɔta na beba á Mokonga.

1 Ɓakɔlítɔ 6:13

Ɓogi goto te: «Ɓáconji eea ka nyɔngɔ á sɔphɔ, sɔphɔ ka nyɔngɔ á eea.» Mokonga aújande gǎkɛ kema ndɔ bui. Cɔ, ɓákáconji gǎkɛ nyama á nkpa ka nyɔngɔ á iɛɓɛ. Nyama a ndiu ka nyɔngɔ á Mɔkɔta na Mɔkɔta ka nyɔngɔ á nyama.

1 Ɓakɔlítɔ 8:8

Cɔ, eea kásojúsɛku mosá á Mokonga. Kaɓɛ na ɓeɗeketi ea á nyama á phɛ́a, ɓékéúki ka kema. Kaɓɛ gǎkɛ na ɓeí, ɓékéyamei tanda ka kema.

2 Ɓakɔlítɔ 1:21

Mokonga sasakɛ aámbé ɗásógbagisigi kimoci na ɓenu ka Kiísito. Mokonga sasakɛ aámbé ɗásɔ́sɔmbu.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

Ɓakɔlɔsái 2:4

Nɛyɔngi nndɔ ka gea, nkpa kanódemɛgɛmbɛ nanga ánɔɓɔngaga.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

2 Ɓatɛsalɔníka 2:2

měma anu kaɗengɛmbɛ ka mbangɔ-mbangɔ na ɓánga, aoɓá nkpa n'anóngoɗi gea, esa á ja á Mɔkɔta ajú. Ɓókǒɓeekeɛmbɛ, nanga ɓáɔtɔa nyɔngɔ, nanga ɓáphɛa, nanga ɓébeba sasaɓɔ gea, ɓána ɓaoɓa nde atóki mɔtɛ-amɔ.

1 Timɔtɛ́ɔ 6:20

Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Yúda 1:12

Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.