Ɓaɛbulanía 13:7 - Ɔngana á Kɛ̌kɛ

⁷ Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

Ɓaɛbulanía 13:7 Iomraidhean Croise

Matáyɔ 24:45

Cɔ, mbɛɗanigi sina mmbé aanjánjá n'aoúbapha mmbé mɔkɔta nɛkɛ amophi ophangɔ gǔ á ɓabɛɗanigi ɓuangbo ka gabea ɓɔ eea ka mbenɔ nde ɓákondi?

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

Lóka 5:1

Esa ímoci Yéso ɗáiki ka motii á etǔ Gɛnɛjaɛ́ti. Usɛsɛ á ɓakpa ɓáɔmɓɔkanisa nga, ɗáɓátúokonda ɔ́ka Nyɔngɔ á Mokonga.

Lóka 8:11

Cɔ, kantíti á mɛní ndɔ a ɓe: Mbó ndɔ ande Nyɔngɔ á Mokonga.

Ekuma á ɓateki 13:46

Pɔ́lɔ na Baanába, ɓâ gǎkɛ ǒsikisia nyɔngɔ na nténdé ɓe: «Ɓenu ɓáunge ɓátókeni phɔ́ ɓánɔphɛɛ Nyɔngɔ á Mokonga mosá! Cɔ, ɓî ɓoyé, na ɔna gea te, ɓókókeni ɓá na enda á mɛyɔ, ɓegande k'ékuna nɛngbo.

Ekuma á ɓateki 14:23

Suɓi á kanisa moci-moci á ka nji ndɔ, Pɔ́lɔ na Baanába ɓáɔ̌sɔmbɔa ɓagbɛga á kanisa. Mbusa í, ɓáɔmɛma na ika kángá á eaga ka nyɔngɔ á mɛma á Mokonga. Mpɔ ɓáǒbisa ka njaga Mɔkɔta mmbé ɓámɓeeki éambɛ.

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ɓalɔ́ma 10:17

Nga ɓeekea aotóka k'índe nkpa aɔ́ki. Mbino kau aotóka ká ɓɔphɛi ndea Kiísito.

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

1 Ɓakɔlítɔ 11:1

Cɔ, ɓeani tambea ani, ɓíndɔ neoɓea nnde á Kiísito.

1 Ɓakɔlítɔ 4:16

Kaɓondɔ, nenóɗengemisigi gea, ɓeani tambea nɛmɔ.

Ɓaphilípi 3:17

Cɔ, ɓaya, ɓeani tambea ani. Bisani iso anu ka ɓakpa nde tambea aɓɔ akengeani na nnde ɓɔɔna mɔtɛ-asu.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

2 Ɓatɛsalɔníka 3:7

Nga, ɓo ye oúba sasanu ɓî akeni ɓeá á mphangiɔ nɛsu. Ka nyɔngɔ nde ɗéɓékétú ɓakusi mɔtɛ-anu.

2 Ɓatɛsalɔníka 3:9

Ɗéɓegi ɓó, nna gea ɗéɓékétú na kɔkɔta ka gea ɓósóengɛ. Ɗébekondi ndiu, ɗeketea anu mphangiɔ ka ɓeá á tambea asu.

1 Timɔtɛ́ɔ 3:5

Cɔ, aoɓá nkpa na káoúba angá ekombo nɛkɛ ánjá, aangande kanisa ndea Mokonga ɓo?

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:24

Ósambeani ɓakɔta nɛnu na ɓaɓêki ɓɔbu. Ɓadasu íɓunde ɓá na Italía ɓanosambei.

Ɓaɛbulanía 6:12

Ɓî a ɓó, ɓókoɓɛmbɛ ɓakusi. Ɓeani ndiu nyɔngɔ á ɓakpa nde ɓátétemisi ɓeekea nga, ɓundɔ ɓáunge ɓátɔande ɓotukɔ á mɔkɔ nde Mokonga ɗáɔku.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.