Ɓaɛbulanía 13:5 - Ɔngana á Kɛ̌kɛ

⁵ Ɓókobisɛmbɛ měma anu phɛɛ ka nyɔngɔ á imɔna. Ɓeekeani ndiu enda na nkumba nde ɓoně nga, Mokonga ɗági te: «Kékoɗeketɛeka, kékosagɛeka.»

Ɓaɛbulanía 13:5 Iomraidhean Croise

Matáyɔ 6:19

Ɓókǒtundukisiɛgɛmbɛ ɛtɔi ka mokonda ndee, ka nyɔngɔ nde ɓansɛngɛ na ɓánkɛngɛɔ ɓáújande ú, ɓakukuɓa ɓáɓunande endu ka uɓa í.

Matáyɔ 6:25

Cɔ, kaɓondɔ unge nenóngoɗi gea: ‹Ɓókóianɛgɛmbɛ ka nyɔngɔ á enda anu, ka nyɔngɔ á kema á k'oea, á noa na á ɔla.› Nga, enda anyɛ́nyi eea na nyama áɔnyɛ́nya ngɔ́mbɛ, nna ɓo?

Matáyɔ 6:34

Ɓókoianɛgɛmbɛ ka nyɔngɔ á kema ndea mama. Kema ndea mama, akeni tɔ ka mama. Esa n'esa akeni tɔ na nyɔngɔ ínɛkɛ.

Málikɔ 7:22

gúa n'etoa, kuma, kokae, maibe, iɛɓɛ, nsengo, ɛphɔti, ébeba, kobóbó.

Lóka 3:14

Ɓato émani ɓâ phɔtɔ omúsia: «Ɓesu gǎkɛ ɓégeɛ ɓo?» Áǒsikisia ɓundɔ te: «Ɓókǒphendisɛmbɛ ɓakpa imɔna ka mbɛa. Ɓókomutɛmbɛ nkpa kema na tɔnga phɔtɔ nkpa kitɔngi á mbɛa. Endani tɔndɔ k'óphendɔ nɛnu.»

Lóka 8:14

Mbó ndɔ ɗágú sɔsɔɓɛ á ngenge, a ɓea mbenɔ nde ɓakpa ɓáɔɔ́ka Nyɔngɔ á Mokonga. Nyɔngɔ ásii á ka měma, siki á ɓá n'ɛtɔi na ɓongeaga á kema á ka mokonda, áǒphiphisa, ɓákagɔmbɛ ye.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

1 Ɓakɔlítɔ 5:11

Cɔ, ɗénoɗundui gǎkɛ gea, ɓókodaɗokeanɛ mɔnɔ na nkpa nde aogea: «Nende mokiísito», n'ande: nto á otungɔ, nto á phɛngɛmana á měma ka kema, nto á beba ɓamokonga á mbɛa, nto á ɛphɔti, nto á ɓoita, nto á njaga-njaga. Ɓókóeɛgɛmbɛ na ɓɔ.

1 Ɓakɔlítɔ 6:10

ɓakukuɓa, ɓakpa nde měma aɓɔ aɔphɛngɛmana ka kema, ɓato á ɓoita, ɓato á ɛphɔ́ti, ɓato á njaga-njaga.

2 Ɓakɔlítɔ 4:9

Ɓáosótambisaga, Mokonga nna gǎkɛ osóɗeketa. Ɓáosótenea na oɗo, ɓéké gǎkɛ okuwa.

Ɓaɛphɛ́sɔ 5:3

Ɓî ɓonde ɓato á k'ékombo ndea Mokonga, nyɔngɔ ájeɗe, ɓea iɛɓɛ, ɓɔjɔɔkiɔ, na mɔphɛ á kema, nna ánjá áɔ́kɛkanɛ ka ɔlɔ anu.

Ɓaɛphɛ́sɔ 5:5

Úbani gea, ɓato á iɛɓɛ, ɓato á ɓɔjɔɔkiɔ, ɓato á kuma (ande gea ɗokomisa á ɓamokonga á mbɛa) nna na ka ɓɔ mmbé aɓande na ɓotukɔ ka koɓoamɛ ndea Kiísito na Mokonga.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

2 Pɛ́tɛɛ 2:14

Ɓána iso-iso phɛɛ, ɓáká tanda kɔɛla na gea á ɓojeɗe. Ɓáǒdema ɓakpa nde ɓákákákámani ka ɓeekea. Měma aɓɔ atúmi na mɔphɛ ájeɗe á tɔá kema bubui. Mokonga aɛsɛmɛigi.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.