Ɓaɛbulanía 13:4 - Ɔngana á Kɛ̌kɛ

⁴ Ambe ɓakpa ɓɔbu ɓáɗokomisɛ eyamani. Ɓɔ́kɔjɔɔkisɛmbɛ eka nga, Mokonga atenande akpɛ nyɔngɔ á komusɔngɔ na nyɔngɔ á iɛɓɛ.

Ɓaɛbulanía 13:4 Iomraidhean Croise

1 Ɓakɔlítɔ 6:18

Ɓángáni otungɔ. Ɓojeɗe nɛngbo bui nnde nkpa áogea, a ɗanga na nyama akɛ. Nkpa nde a gǎkɛ ǒyamea k'ótungɔ, agi ɓojeɗe ka nyama akɛ sasakɛ.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

1 Ɓakɔlítɔ 7:38

Nkpa nde aomuka nke á mbanje nɛkɛ, agi ánjá. Mmbé aɗeketi gǎkɛ nyɔngɔ á mbanje, agi phɔtɔ ánjá phɛɛ.

1 Ɓakɔlítɔ 9:5

Kákeni néɓɛ na ɓake-ɓaɓêki ka tamba, ɓea ɓadasu ɓateki ɓunɛngbo, ɓea Pɛ́tɛɛ na ɓana-amakɛ na Mɔkɔta ee?

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

Ɓagalatía 5:19

Cɔ, mɔphɛ á nyama aoúbukana base ka: Otungɔ, ɓɔjɔɔkiɔ, mambɔ,

Ɓagalatía 5:21

Ɓá na mɔphɛ ájeɗe, ɓoita, osǎ, na kema nɛngbo nde akengeani ně. Nesikíí goto ngoɗea anu ɓíndɔ netónongoɗi mosá gea: Ɓunde ɓáogea ka kema ɓínde, ɓákángiɛku ka koɓoamɛ ndea Mokonga.

Ɓaɛphɛ́sɔ 5:5

Úbani gea, ɓato á iɛɓɛ, ɓato á ɓɔjɔɔkiɔ, ɓato á kuma (ande gea ɗokomisa á ɓamokonga á mbɛa) nna na ka ɓɔ mmbé aɓande na ɓotukɔ ka koɓoamɛ ndea Kiísito na Mokonga.

1 Ɓatɛsalɔníka 4:6

Kaɓondɔ, nkpa kangeɛ mɔnɔ dakɛ mokiísito ájeɗe ka nyɔngɔ ndɔ nga, Mɔkɔta atenande nyɔngɔ ndea ɓakpa ndɔ akpɛ. A tɔ ɓíndɔ ɗéɓenóngoɗi na phɛá anu kala.

1 Timɔtɛ́ɔ 3:12

Ɓabɛɗanigi ndea ka kanisa ɓáɓɛ tɔ na ɓake moci-moci. Ɓáɓɛoanga ekombo nɛɓɔ bui ánjá, ɓaniki na ɓakpa ɓɔbu ɓunde ɓá k'éndu nɛɓɔ.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 3:4

Áangɛ endu nɛkɛ ánjá, ɓaniki nɛkɛ ɓáɔ́kɛ ɓɔphɛi nɛkɛ ɗoni.

1 Timɔtɛ́ɔ 4:3

Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Ɓaɛbulanía 12:16

Ka ɓenu kaɓɛmbɛ nto á iɛɓɛ na ɓɛnjiaga á kema á ɓonjánja ndea Mokonga ɓea Ɛsáu, mmbé ɗásombisi ɓokutú á ɓɔkɔtɛana akɛ mosá ka nyɔngɔ á eea.

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.