Ɓaɛbulanía 13:3 - Ɔngana á Kɛ̌kɛ

³ Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Ɓaɛbulanía 13:3 Iomraidhean Croise

Matáyɔ 25:36

Ɓî ɗétú ndúmbú, ɗóɓomɔɔ́lisi ngɔ́mbɛ. Ɓî ɗétú na ngobo, ɗóɓobiki omoenga. Ɓî ɗétú ka mekakɔ, ɗóɓobiki kɔmɔɛnjia.›

Matáyɔ 25:43

Ɓî ɗétú mɔkɛni, ɗóɓokómosesi. Ɓî ɗétú ndumbu, ɗóɓokómɔɔ́lisi ngɔ́mbɛ. Ɓî ɗétú na ngobo, kaɓɛ ka mekakɔ, ɗóɓokómoengi na ɛnjiani.›

Ekuma á ɓateki 24:23

Mpɔ, áonsosea mɔkɔta á ɓato émani gea, ánambɛ Pɔ́lɔ ka mekakɔ, ánɗeketeɛ phɔtɔ mbenɔ, kaɓɛmbɛ gǎkɛ na nkpa nde aǒimisia ɓadakɛ ka enga akɛ.

Ekuma á ɓateki 27:3

Mama í, ɓéojua ka Sidɔ́na. Wa, Yulíɔ áongea Pɔ́lɔ ánjá. Áonsosea gea, ágɛ ɛ́sɔnɛ ɓadakɛ, ka gea ɓámophɛ kema nde ana siki í.

Ɓalɔ́ma 12:15

Ɓáni na maseye na ɓunde ɓá na maseye. Gámani na ɓunde ɓáogáma.

1 Ɓakɔlítɔ 12:26

Aoɓá gbútuka á nyama moci n'aosamba, gbútuka bui â phɔtɔ osamba. Aoɓá gbútuka á nyama moci n'anobebɔ, gbútuka bui áoɓá na maseye kimoci na yɛ.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 11:37

Ɓáɔ̌ɓɛta ɓuangbo n'ɛtɛ ɓáokuwa. Ɗáɓětenigi ɓuangbo na ngɔa gbútuka iɓɛ. Ɗáɓěme ɓuangbo na píndí. Ɓuangbo ɗáɓáɔkɔɓa na ɓáɔ́li mpoko á ɓamɔgɔgɔ na nnde á ɓamɛmɛ. Ɗáɓáendi ka keuka, tambaga na gea á ɓojeɗe ka phɔaɓɔ.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.