Ɓaɛbulanía 13:24 - Ɔngana á Kɛ̌kɛ

²⁴ Ósambeani ɓakɔta nɛnu na ɓaɓêki ɓɔbu. Ɓadasu íɓunde ɓá na Italía ɓanosambei.

Ɓaɛbulanía 13:24 Iomraidhean Croise

Ekuma á ɓateki 18:2

Kó, áondonda Moyúda moci inakɛ Akíla, mmbé nji á ɓɔkɔtɛana nɛkɛ ande Pɔntɔ. Yɛ na nkakɛ Piisíla ɗáɓákiɗi tɔ kɛ̌kɛ ka toka á ɓɔ na Italía. Ɗáɓátóki kó ka nyɔngɔ nde, Kɔɔdíɔ moamɛ ndea Lɔ́ma, ɗáesosi Ɓayúda ɓɔbu gea ɓátokɛ ka Lɔ́ma. Ka Kɔlítɔ unge Pɔ́lɔ ɗájúkani na ɓɔ.

Ekuma á ɓateki 27:1

Ɓî ɗáɓáphángí gea ɓeoga ka koko na Italía, ɓáombisa Pɔ́lɔ na ɓato á mekakɔ ɓunɛngbo ka njaga á ká ɓakɔta moci á Ɓalɔ́ma, ina akɛ Yulío mmbé ɗátú mɔkɔta á ekombo á ɓato émani nde ɓáɔɔphana «Ekombo á ɓato émani ndea moamɛ á Ɓalɔ́ma.»

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

1 Ɓakɔlítɔ 16:16

ɔ́ɓɔ́kani ɓakpa ɓea ɓundɔ. Óɓeani phɔtɔ ɓakpa ɓɔbu ɓunde ɓáosuia bɛɗaneaga á Mɔkɔta ɓea ɓɔ.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 13:13

Cɔ, ɓonjánja-ékondi ndea Mɔkɔta Yéso Kiísito, n'ekondi ndea Mokonga, na komunamema á Měma á kanga ɓojeɗe, áɓɛ na ɓenu ɓɔbu.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

Ɓaphilípi 4:22

Ɓakiísito ɓɔbu ɓánósesi phɔtɔ. Ɓunde á k'ékombo ndea moamɛ angbóngbó Kaisáa, ɓánósesi phɛɛ.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.