Ɓaɛbulanía 13:23 - Ɔngana á Kɛ̌kɛ

²³ Úbani gea ɓankoɗi muna-amasu Timɔtɛ́ɔ. Aoɓá na káiphi ka kiɗia, nebikande na yɛ ka ɔna anu.

Ɓaɛbulanía 13:23 Iomraidhean Croise

Ɓalɔ́ma 15:25

Kɛ̌kɛnde gǎkɛ nege na Yɛusalɛ́ma ka bɛɗaneaga ɓaɓêki.

Ɓalɔ́ma 15:28

Mbenɔ nde nɛgɔɓande ekuma nde, na jisa á kema nde ɓátókɔngu ka phɔanu, nɛnyɛ́nyɛande mɔtɛ-anu ka gǎ ani na Spanía.

Ɓakɔlɔsái 1:1

Ka ɓaɓêki á ka Kɔlɔsái, sambani! Eme Pɔ́lɔ nteki nde ɓa Kiísito Yéso ka mɔphɛ ndea Mokonga aámbé neɗundu ɓaoɓa ndee kimoci na dasu Timɔtɛ́ɔ.

1 Ɓatɛsalɔníka 3:2

ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

Philɛmɔ́nɔ 1:1

Dasu ékondi Philɛmɔ́nɔ, samba! Eme Pɔ́lɔ aámbé neɗundu ɓaoɓa ndee, kimoci na dasu Timɔtɛ́ɔ. Nende nto á mekakɔ ka nyɔngɔ á Kiísito Yéso. Nekoɗundui oɓɛ dasu ékondi na mbɛɗanigi kimoci na ɓesu.

Philɛmɔ́nɔ 1:22

Gǔ índɔ, ɓɔngisiaga phɔtɔ kani ɔma á tɔ̌. Nga, neseɓei te, Mokonga aɔ́kande ɛmɛmi nɛnu, â goto omojisa mɔtɛ-anu.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.