Ɓaɛbulanía 13:21 - Ɔngana á Kɛ̌kɛ

²¹ Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 13:21 Iomraidhean Croise

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 21:31

Cɔ, sɔsɔɓɛ á ɓaniki ndɔ ɓaɓɛ, ani mmbé ɗátɔtɔkisi mɔphɛ á abakɛ?» Ɓáonsikisia te: «Mmbɔ ɓa mosá.» Mpɔ Yéso áǒsikisia te: «Nenóngoɗi ɗoni gea, ɓaphendisigi-manjanja na ɓake á mambɔ, ɓángiande ka koɓoamɛ ndea Mokonga mosá anu.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Matáyɔ 7:21

Nna ɓakpa ɓɔbu ɓunde ɓáɔmɔɔphana ‹Mɔkɔta! Mɔkɔta!› ɓáunge ɓángiande ka koɓoamɛ ndea na koba. A tɔndɔ gǎkɛ ɓunde ɓáɔtɔtɔkisa mɔphɛ ndea Abɛ, mmbé á na koba.

Yoáni 17:23

Nɛɔmɛma gea, néɓɛ suɓi aɓɔ, n'oɓɛ suɓi ani ka gea, ɓáɓɛ kimoci ɗoni. Ɓondɔ unge, ɓato á ka mokonda ɓáúbande gea, oɓɛ aámbé ɗómoteki, ǒkondi phɔtɔ ɓíndɔ omokondi.

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 16:27

Ɓémbebɛni Mokonga, Yɛ tɔndɔ aámbé ande mɔɔngɛ! Áɓɛ n'obebɔ ka Yéso Kiísito ka saga na saga! Áɓɛ ɓó!

2 Ɓakɔlítɔ 9:8

Mokonga ana ɓukpɛkpɛ á opha anu kema ásii phɛɛ ka gea, ɓóɓɛ na kema bui nde ɓookonda. Gǔ índɔ goto, ɓoɓande na nnde ɓɔtɔtɔkisande ně kema ánjá bubui.

Ɓagalatía 1:5

Mokonga áɓɛ na ɓoombia ka saga na saga áɓɛ ɓó!

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 2:18

Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 2:11

Mpɔ, nkpa buakɛ áɔtɔmiaga base gea, Yéso Kiísito ande Mɔkɔta, ka ɓoombia ndea Abɛ Mokonga.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

Ɓakɔlɔsái 3:20

Ɓaniki, ɔ́ɓɔ́kani ɓaɓɔkɔti anu ka kema bubui. Nga, nndɔ unge amɓɔngɛi Mɔkɔta.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 4:3

Nga, Mokonga akondi gea, ɓóɓɛ ɓakpa ɓ'ánjá phɛɛ, ɓóɓangɛ iɛɓɛ,

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 5:10

Ambe ɓakpa ɓáɗigimisɛ gea ékuma nɛkɛ ɗátú ánjá, mmbé ɗáɛmɔtisi ɓ'anakɛ ánjá, ɗáǒsesea ɓakeni, ɗáosokosa ecinji á ɓaɓêki, ɗáǒenga ɓunde ɗáɓáotambaga na gea ekuma ánjánja bui ka enda akɛ bui.

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Ɓaɛbulanía 12:28

Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 2:17

Mokonda aɔnyɛ́nya na mɔphɛ á kema bui nde a suɓi í. Nkpa nde a gǎkɛ ɔtɔtɔkisa mɔphɛ ndea Mokonga, aendande mɛyɔ.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.

Yúda 1:25

Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!

Mphaniɔ 4:6

Mosá á kankaanga á koɓoamɛ ndɔ, ɗátú na kema ɓea oɓenge á kiyɔa, phɔtɔ ɓea ngaɛ́. Suɓi á kankaanga á koɓoamɛ ndɔ na mpɛphɛ í, ɓamakɛlúbi gena, ɓáotimba, na ɓá n'íso mosá na mbusa aɓɔ.

Mphaniɔ 5:13

Nê phɔtɔ kɔ ɔ́ka ecɔnji bui nde ana koba, ka mokonda, suɓi á oɗo na suɓi á oɓenge, econji bui na ɓáoemba gea: «Ka mmbé aiki ka kankaanga á koɓoamɛ, na ka Muna-mɔgɔgɔ, ambe áɓɛ n'obebɔ, ɓokutú, ɓoombia, na ukuu ka saga na saga!»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.