Ɓaɛbulanía 13:20 - Ɔngana á Kɛ̌kɛ

²⁰ Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 13:20 Iomraidhean Croise

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Málikɔ 14:24

Yéso áǒgea: «Divai nde, ande magia ani, magia nde aɗǔkani ka phɔa ɓakpa ɓásii ka engekisa ɔngana ndea Mokonga.

Lóka 22:20

Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani nnde aɗǔkani ka phɔanu.

Yoáni 10:11

Eme, nende mɓondigi anjánjá. Mɓondigi anjánjá aɔtɔka ɓeekea kukuwa ka amisa á ɓamɔgɔgɔ nɛkɛ ka kukuwa.

Yoáni 10:14

Eme, nende mɓondigi anjánjá, neǒɓúba ɓamɔgɔgɔ nɛmɔ. Ɓɔ, ɓâ phɔtɔ omoúba.

Ekuma á ɓateki 13:30

Mokonga â gǎkɛ onjujukisa ka kukuwa.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

Ekuma á ɓateki 4:10

Ambe ɓenu ɓɔbu na Ɓaisilaɛ́li ɓɔbu, ɓóúbɛ gea, nɗɔti ndɔ aami na amé mosá anu ka ɓukpɛkpɛ á ina á Yéso Kiísito ɓa Najalɛ́ti, mmbɔ ɗóɓonkusi ka moyangɔ. Mokonga anjujúkisi gǎkɛ ka kukuwa.

Ekuma á ɓateki 5:30

Mokonga, mmbé ɓatatasu ɓámbɛɗaneigi, anjujúkisi Yéso mmbɔ ɗóɓonkɔkɛigi gǔ á moyangɔ, ɓóomowa.

Ɓalɔ́ma 1:4

ɓáombisa na ɓukpɛkpɛ ka ɓá Muna-Mokonga, mbenɔ nde Měma á kanga ɓojeɗe ɗánjujúkisi Yéso Kiísito Mɔkɔta nɛsu ka kukuwa.

Ɓalɔ́ma 10:7

Goto, koianɛgɛmbɛ sisakɔ gea: ‹Ani mmbé adidande ka nji á ɓasí?›» (Ande gea, táísa á Kiísito ka toka sɔsɔɓɛ á ɓasí?)

Ɓalɔ́ma 15:33

Ambe Mokonga mɛna-ɓujɛjɛ áɓɛ kimoci na ɓɛnu ɓɔbu. Áɓɛ ɓó!

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

1 Ɓakɔlítɔ 14:33

nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.

1 Ɓakɔlítɔ 15:15

Aoɓá ɓasí na ɓákáojujuka ɗoni ka kukuwa, ande gea te, Mokonga ɗákánjujúkisi Kiísito ka kukuwa. Aoɓá ɓó, ámbé ɓende ɓaɗigimisi á mbɛa ndea Mokonga nga, ɗéɓeɗigimisi gea te, Mokonga ɗánjujúkisi Kiísito ka kukuwa.

1 Ɓakɔlítɔ 6:14

Mokonga ɗánjujúkisi Mɔkɔta Yéso ka kukuwa, na asójujukisande ka kukuwa ka ɓukpɛkpɛ nɛkɛ phɛɛ.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 4:14

Ɓeoúba gea, Mokonga ɗánjujúkisi Mɔkɔta Yéso ka kukuwa. Asójujukisaeka phɔtɔ kimoci na Yéso, áosóbisa kimoci na ɓenu bíbí akɛ.

Ɓagalatía 1:1

Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓaɛphɛ́sɔ 1:20

mbenɔ nde ɗánjujúkisi Kiísito ka kukwa. Mpɔ, áonikisa na koba ka njaga akɛ á mǔku.

Ɓaphilípi 4:9

Tɔtɔkisani kema nde ɗénóphi na goisaga anu, nnde ɗɔɓɔɔ́ki na nɛɔyɔnga na nnde ɗɔ́ɓɔɔni na neogea. Mpɔ, Mokonga, mɛna-ɓujɛjɛ, aɓande kimoci na ɓenu.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 3:16

Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 9:20

Wa, n'aɔyɔnga ɓe: «Nnde ande magia nde aengekisi ɔngana nde Mokonga ɗábisi sɔsɔɓɛ akɛ na ɓenu ka gea te ɓóambɛ ú.»

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 2:25

Cɔ, ɗóɓotú ɓea ɓamɔgɔgɔ na ɓáɓúngigi, kɛ̌kɛnde gǎkɛ, ɓosikianigi ka mɓondigi nɛnu, n'ande nambi á měma anu.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.