Ɓaɛbulanía 13:18 - Ɔngana á Kɛ̌kɛ

¹⁸ Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Ɓaɛbulanía 13:18 Iomraidhean Croise

Ekuma á ɓateki 23:1

Pɔ́lɔ áǒtúmia ɓato á ka ntua ángbó á ɓɔphɛi n'íso, áǒgea te: «Ɓaya, ka enda ani bui, měma ani na tambea ani aánjá mosá á Mokonga.»

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ɓalɔ́ma 12:17

Ɓókógisiɛmbɛ ɓojeɗe ka nkpa. Ɓáni na měma á tɔtɔkisa kema ánjá mosá á ɓakpa ɓɔbu.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 15:30

Ɓaya, nenóɗengemisigi k'ína á Mɔkɔta nɛsu Yéso Kiísito na k'ékondi nde Měma á Mokonga aobikisa, ɓéjúkanɛni ka mɛma á Mokonga na moíngi ka phɔani.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Ɓatɛsalɔníka 5:25

Ɓaya, mɛmani Mokonga ka phɔasu.

2 Ɓatɛsalɔníka 3:1

Cɔ, ɓaya, ka sungiaga, mɛmani Mokonga ka phɔasu ka gea, nyɔngɔ ndea Mɔkɔta ákamisɛgɛ ndandá, na ɓáɗokomisɛ phɔtɔ ú ɓíndɔ ɓooɗokomisa mɔtɛ-anu.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.