Ɓaɛbulanía 13:17 - Ɔngana á Kɛ̌kɛ

¹⁷ Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

Ɓaɛbulanía 13:17 Iomraidhean Croise

Lóka 16:2

Kaɓondɔ, ntɔi áɔmɔphana nambi-nkumba, áongoɗea ɓe: ‹Nyɔngɔ sina nde ɓakpa ɓáɔkɔtɔnga ájeɗe ně? Cɔ, ómoúbisa nyɔngɔ á nkumba ndɔ ooamba. Nga, kpanga á kesande, kóɓɛku ye nambi-nkumba nɛmɔ.›

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ɓalɔ́ma 14:12

Kaɓondɔ, nkpa na nkpa sɔsɔɓɛ asu aɛ́yɔngɛande sasakɛ mosá á Mokonga.

1 Ɓakɔlítɔ 16:16

ɔ́ɓɔ́kani ɓakpa ɓea ɓundɔ. Óɓeani phɔtɔ ɓakpa ɓɔbu ɓunde ɓáosuia bɛɗaneaga á Mɔkɔta ɓea ɓɔ.

Ɓaɛphɛ́sɔ 5:21

Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 2:29

Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

Ɓaphilípi 3:18

Ne ye nongoɗi nyɔngɔ nde mɔngɔ ásii. Kɛ̌kɛnde, nesikíí goto ú na neogáma: Ɓakpa ɓásii ka tambea aɓɔ ájeɗe, ɓánde ɓaɓiɓia á moyangɔ ndea Kiísito.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

Ɓaɛbulanía 13:24

Ósambeani ɓakɔta nɛnu na ɓaɓêki ɓɔbu. Ɓadasu íɓunde ɓá na Italía ɓanosambei.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

Yakɔ́ɓɔ 4:7

Kaɓondɔ, ódidisani mosá á Mokonga, ɓón'yegɛ nketi na ateande áoga ɗanga.

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»