Ɓaɛbulanía 13:15 - Ɔngana á Kɛ̌kɛ

¹⁵ Cɔ, k'aphe ndea Yéso, ɓémophɛni Mokonga ɔphɛ́ɔ á ɗokomisa akɛ ka mbenɔ bui, ande gea te nnde aotóka k'aphenɔkɔ á ɓunde ɓáobeba ina akɛ.

Ɓaɛbulanía 13:15 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓaɛphɛ́sɔ 2:18

Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

Ɓakɔlɔsái 1:12

Nsegani Abɛ Mokonga, mmbé anóphi ɓukpɛkpɛ á ɓá na ɓotukɔ ka kema nde abisi ka ɓato á kanga ɓojeɗe ka koɓoamɛ nɛkɛ á owanga.

Ɓaɛbulanía 12:28

Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.