Ɓaɛbulanía 13:14 - Ɔngana á Kɛ̌kɛ

¹⁴ nga, ka mokonda nde ɓéké na nji nde aoiphia, ɓe ndiu okáɓa nji ndɔ aobika.

Ɓaɛbulanía 13:14 Iomraidhean Croise

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 12:22

Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Ɓaɛbulanía 12:27

Ɓî agi: «Neɗengisande goto», ande gea te, Mokonga aɗengisande kema nde ɗáconji, kema ndɔ káɓɛku ye. Kema nde nnaɔtɔka n'aɗengi aunge ajigande.

Ɓaɛbulanía 2:5

Nga nna ɓamalaéka ɓáunge Mokonga ɗéɓophi kɔkɔta á mokonda ndɔ aobika nnde ɓɛɔyɔnga ka phɔa í.

Ɓaɛbulanía 4:9

Ande gea te, muúmbiɔ ɓíndɔ á saɓáto ajigi tɔ ka ɓakpa ndea Mokonga.

Ɓaɛbulanía 9:11

Cɔ, Kiísito aámbé akiɗi ka gea áɓɛ ngbɛga á ɓatoɓeigi-phɛ́a á kema ánjá nde aobika. Angí suɓi á ɛma ángbó nde ande á ɓonjánja phɛɛ kɔnyɛ́nya nndɔ á mosá. Ɛma ndɔ, nna ɓakpa ɓáunge ɓáɓɔngisigi na njaga aɓɔ. Ande gea te, nna kema á ka mokonda nnde ɓáconji.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.