Ɓaɛbulanía 13:1 - Ɔngana á Kɛ̌kɛ

¹ Ikani k'ékondi á komunamema ngǔngu anu.

Ɓaɛbulanía 13:1 Iomraidhean Croise

Yoáni 15:17

Cɔ, ɛɔphi nde nenósosi ande gea, Kondanagani sɔsɔɓɛ anu.

Ekuma á ɓateki 2:1

K'ésa á jaí á Pɛntɛkɔ́tɛ, ɓaɓêki ndea Yéso ɓɔbu ɓáodondanaga k'ɔ́ma ímoci.

Ekuma á ɓateki 4:32

Cɔ, usɛsɛ á ɓaɓêki ɓáɔɔ́kana na měma moci, n'ɛsɔ moci. Nna na ka ɓɔ moci nde ɗáɔyɔnga gea te, nkumba nɛmɔ ú. Nkumba bui ɗá tɔ ka ɓɔ ɓɔbu.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 4:3

Suiani ika suɓi á ɔngana nde Měma á kanga ɓojeɗe aobikisa ka ɓujɛjɛ nde anójúkanisi.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

Ɓaɛbulanía 10:24

Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.

1 Yoáni 4:20

Aoɓá nkpa n'agi te: «Nenkondi Mokonga», n'aonkangea muna-amakɛ, ámbé ande nto á mbɛa. Nga, aoɓá nkpa na kánkondi muna-amakɛ mmbé áɔmɔna, kátɔkɛku n'ankondi Mokonga mmbɔ nnaɔmɔna.

Mphaniɔ 2:4

Cɔ, nyɔngɔ nde ne gǎkɛ ně ka phɔakɔ a ɓe: Kó ye omokonda ɓíndɔ ɗômokonda mosá.