Ɓaɛbulanía 12:4 - Ɔngana á Kɛ̌kɛ

⁴ Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

Ɓaɛbulanía 12:4 Iomraidhean Croise

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

Ɓaphilípi 2:8

 phɔtɔ ǒdidisa sasakɛ, áɔmɔ́ka Mokonga, na ka ɓî age okuwa, kukuwa á moyangɔ.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 13:13

Cɔ, ɓégɛ dondaneni na yɛ ka ngba-nji na ɓeekea gea ɓásɔjɔɔkisɛ ɓea yɛ

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 17:6

Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.

Mphaniɔ 18:24

Ɓáɔɔna mɔtɛ-akɔ, magia á ɓaɔtu-nyɔngɔ ndea Mokonga, ɓato á kanga ɓojeɗe na á ɓɔbu ɓunde ɗáɓáemowe ka mokonda.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.