Ɓaɛbulanía 12:3 - Ɔngana á Kɛ̌kɛ

³ Eya, nkanisiani Yéso. Nanga ɓî ɓato á ɓojeɗe ɗáɓánkangei phɛɛ, ɗáphiphíí. Geani tɔ ɓó ka gea te, měma anu kaɛlɛmbɛ na ɗeketa á nseɓeɔ.

Ɓaɛbulanía 12:3 Iomraidhean Croise

Matáyɔ 11:19

Muna-Nkpa abiki, aoeaga na noa, ɓági te: ‹Ɔnani, nkpa nde ande nto á osǎ na nto á ɓoita, ande dakɛ na ɓaphendisigi manjanja na ɓato á ɓojeɗe!› Cɔ, kɔɓɔɔngɛ ndea Mokonga a gǎkɛ ɔɔnɛkana base k'ékuma nde aɔtɔtɔkisa.»

Matáyɔ 12:24

Ɓî Ɓaphaisáyɔ ɓáɔ́ki gǎkɛ nyɔngɔ ndɔ, ɓáogea: «Mogaa nde aǒjuanisa ɓansombo ka kɔkɔta á Bɛljɛbúli, mɔkɔta á ɓansombo.»

Matáyɔ 15:2

«Ka nyɔngɔ sina nde ɓagoigi nɛkɔ ɓákáoɓea asii ndea ɓatatasu? Nga, ɓákáosokosa njaga ɓíndɔ akeni mosá á eaga.»

Matáyɔ 21:23

Mbenɔ nde Yéso angí k'éndu á Mokonga, áokpanga phɛá. Wa, ɓagbɛga á ɓatoɓeigi-phɛ́a na ɓagbɛga á ka nji á Ɓayúda, ɓáɔsɛkɛɗa bíbí á Yéso, ɓáomúsia te: «Ogi nnde na kɔkɔta sina? Ani mmbé akophi kɔkɔta á gea kema nde?»

Matáyɔ 21:46

Kaɓondɔ, ɓáokaɓa aphe á dunga akɛ, ɓâ gǎkɛ oɓánga usɛsɛ á ɓakpa ɓundɔ ɗáɓámɓeeki gea, ande mɔtu-nyɔngɔ ndea Mokonga.

Matáyɔ 22:15

Mpɔ Ɓaphaisáyɔ ɓáoga onca Yéso ka ɛkɛa akɛ mɛ̌kɔ ka gea, ɓánkoɗɛ ka yɔngɛa akɛ sisakɛ.

Lóka 14:1

Esa á saɓáto moci, Yéso ɗáge k'éndu ndea mɔkɔta moci á Ɓaphaisáyɔ k'aphe á eaga. Kó, ɓakpa ɓáɔmɔnjia bîbíbí.

Lóka 15:2

Ɓaphaisáyɔ na ɓaɗundu-ɛɔphi ɓâ gǎkɛ ɔngɔngɔnaga sɔsɔɓɛ aɓɔ. Ɓáogea: «Mogaa nde aǒsesea ɓato á ɓojeɗe. A phɔtɔ oeaga na ɓɔ!»

Lóka 16:14

Wandɔ, Ɓaphaisáyɔ ɓáɔntɛbɛaga Yéso ka nyɔngɔ ndɔ bui nga, ɗáɓáokondaga imɔna.

Lóka 2:34

Mpɔ, Simɛɔ́ni áobisa njaga gǔ aɓɔ, áongoɗea amakɛ Malía ɓe: «Eya, miki nde abiki gea, Ɓaisilaɛ́li ɓásii ɓáguande, ɓuangbo ɓâ gǎkɛ ǒmesia ka nyɔngɔ akɛ. Aɓande gǎkɛ mphangiɔ nde ɓakpa ɓáyande.

Lóka 5:21

Mpɔ, ɓaɗundu-ɛɔphi na Ɓaphaisáyɔ ɓáoianaga: «Mogaa nde ande ani ka yɛ bóma á Mokonga ɓende? Ani mmbé aɔtɔka n'aími ɓojeɗe na nna tɔndɔ Mokonga sasakɛ?»

Yoáni 10:20

Ɓakpa ɓásii sɔsɔɓɛ aɓɔ ɓáogea: «Ana ɓansombo, ayaí! Cɔ, ɓɔɔmɔ́ka ka ɓo?»

Yoáni 18:22

Ɓî Yéso ayɔngi ye ɓó, ka ɓaɓondigi moci, mmbé ɗátú bíbí akɛ, áomɓɛta ka ngaga, áongea: «Ɓondɔ unge oonsikisia ngbɛga á ɓatoɓeigi-phɛ́a?»

Yoáni 5:16

Kaɓondɔ, Ɓayúda ɓáontambisaga Yéso nga, ɗábɛɗanigi nndɔ esa á saɓáto.

Yoáni 7:12

Ka usɛsɛ á ɓakpa, ɓakpa ɗáɓáɔngɔngɔnaga ka phɔa akɛ phɛɛ. Ɓuangbo ɗáɓáogea: «Yɛ, ande nkpa anjánjá.» Ɓuangbo ɓâ gǎkɛ ogea: «Ndǎkɛ! A ndiu ǒdemaga ɓakpa.»

Yoáni 8:13

Ɓaphaisáyɔ ɓáongea: «Ǒɗigimisa ka nyɔngɔ nɛkɔ sasakɔ! Ɓî a ɓó, nyɔngɔ nɛkɔ nnde ooɗigimisa nna á ɗoni.»

Yoáni 8:52

Mpɔ Ɓayúda ɓáongoɗea: «Kɛ̌kɛnde ɓeúbi ye tɔ gea ona ɓansombo. Abalaámu, na ɓaɔtu-nyɔngɔ ndea Mokonga, ɓáku. Oɓɛ gǎkɛ, ogi: ‹aoɓá nkpa n'aambi nyɔngɔ nɛmɔ, kákuwɛeka ye tanda.›

Yoáni 8:59

Mpɔ, ɓáɔbɔnya ɛtɛ ka makeaga akɛ. Yéso â gǎkɛ ɔ̌sɔmɛana, áojuana k'éndu á Mokonga.

Yoáni 9:40

Ka Ɓaphaisáyɔ nde ɗáɓátú wa, ɓî ɓáɔ́ki nyɔngɔ ndɔ, ɓáomúsia: «Ande gea te, ɓe phɔtɔ ɓakeíme-íme?»

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

2 Ɓakɔlítɔ 4:16

Kaɓondɔ, ɓékéɔɛla k'ékuma nɛsu. Nanga nyama asu ákpanga dɔndɔɓɔka ɓokɛ-ɓokɛ, měma asu áoɓá á kɛ̌kɛ esa bui.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

2 Ɓatɛsalɔníka 3:13

Ɓaya, ɓenu gǎkɛ, ɓókóɛlɛ́ mɔnɔ ka gea ɓonjánja.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 12:5

Ande gea te, ɓoɓosei ɓɔphɛi nde Mokonga ɗánɔphɛí ɓea ɓ'anakɛ? «Miki nɛmɔ, kɔɓɛnjiɛgɛmbɛ phekeaga ndea Mɔkɔta, kophúiɛmbɛ nseɓeɔ ka yɛ mbenɔ nde aokophekeaga

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

1 Pɛ́tɛɛ 2:23

Cɔ, mbenɔ nde ɗáɓámbómi, kěsikisiɛ mbóma. Mbenɔ nde ɗáɓántambisigi, kěɓángisɛ tanda ɓakpa. Ɗébisi ndiu sasakɛ ka njaga á Mokonga mmbé aotena nyɔngɔ na koɗoni.

Mphaniɔ 2:3

Eya! Ona měma á phiphia, otambigi ka nyɔngɔ á ina ani, kángá ɛla.