Ɓaɛbulanía 12:28 - Ɔngana á Kɛ̌kɛ

²⁸ Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 12:28 Iomraidhean Croise

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Lóka 1:33

Aɓande moamɛ ndea Ɓaisilaɛ́li esa bubui, koɓoamɛ nɛkɛ káɓɛku na sungiaga.»

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 5:10

Káɓáni kema nde áɔmɓɔngɛa Mɔkɔta.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓaɛbulanía 10:19

Cɔ, ɓaya! Ka nyɔngɔ á magia á Yéso unge ɓéké na ká ngǎka ka ngia k'ɔ́ma á kanga ɓojeɗe phɛɛ.

Ɓaɛbulanía 13:15

Cɔ, k'aphe ndea Yéso, ɓémophɛni Mokonga ɔphɛ́ɔ á ɗokomisa akɛ ka mbenɔ bui, ande gea te nnde aotóka k'aphenɔkɔ á ɓunde ɓáobeba ina akɛ.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

Ɓaɛbulanía 5:7

Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

1 Pɛ́tɛɛ 2:20

Ana obebɔ sina aoɓá na ɓophiphíí tambaga ka nyɔngɔ nde ɓogi ájeɗe? A gǎkɛ oɓá na ɓophiphíí tambaga ka nyɔngɔ nde ɓogi kema ánjá, nndɔ amɓɔngɛi Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

Mphaniɔ 1:6

Kaɓondɔ, áosóbisa ɓato á koɓoamɛ nɛkɛ, na ɓatoɓeigi-phɛ́a ka bɛɗaneaga Abakɛ Mokonga. Cɔ, ɓoombia na ɓukpɛkpɛ, áɓɛ ka Yéso Kiísito ka saga na saga! Áɓɛ ɓó.

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 5:10

Ɗóǒbisi ɓakpa ndɔ ɓáoɓá koɓoamɛ na ɓatoɓeigi-phɛ́a ka bɛɗaneaga á Mokonga, Na ɓámameande nji bui.»