Ɓaɛbulanía 12:25 - Ɔngana á Kɛ̌kɛ

²⁵ Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 12:25 Iomraidhean Croise

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Matáyɔ 8:4

Mpɔ, Yéso áongoɗea: «Ɔ́ka phɔ́, kɔ́ntɔ̌miɛ mɔnɔ nkpa nyɔngɔ ndɔ. Gǎ ndiu óphangisiɛ sasakɔ ka ntoɓeigi-phɛ́a, óphúiɛ phɛ́a ka Mokonga ɓíndɔ Mósa ɗásosi ka gea, ɓakpa ɓɔbu ɓáengekisɛ gea oami.»

Ekuma á ɓateki 7:35

Cɔ, Mósa aámbɔ Ɓaisilaɛ́li ɗáɓán'yé na gea akɛ te: ‹Ani mmbé akophi kɔkɔta á tena á nyɔngɔ?› Mokonga ɗánteki ka gea áɓɛ moamɛ na namisi nɛɓɔ, malaéka nde ɗátú suɓi á ɛɛmbɛ á esasa ndɔ, yɛ aámbé ɗátú onenga.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

2 Timɔtɛ́ɔ 4:4

Ɓákáɓeekeɛku ɔ́ka á ɓɔphɛi á ɗoni ka kecue aɓɔ, ɓáépháiande ndiu ka ɔ́ka egani á mbɛa.

Ɓaɛbulanía 1:1

Ka mbenɔ á kala, Mokonga ɗáyɔngi na ɓatatasu mɔngɔ ásii na k'ététe ɗanga-ɗanga, k'aphe á ɓaɔtu-nyɔngɔ nɛkɛ.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 12:19

Ɓaisilaɛ́li ɗáɓáɔ́ki nduu á mbengu n'eongo á yɔnga. Ɓáonɗengemisaga gea, Mokonga kěngoɗeɛ ye ka nyɔngɔ ɓíndɔ.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 3:17

Ɓaani ɓunde Mokonga ɗéɛɓɛ̌i ka ɓasaga nkama gena (40)? Ɗéɛɓɛ̌i tɔ ɓakpa nde ɗáɓági ɓojeɗe, mǒnda aɓɔ áogua ka nkanda.

Ɓaɛbulanía 8:5

Ɓundɔ ɓaobɛɗanaga na ɓáoɓea mphangiɔ na kaengekɔ á koɗoni ndea na koba. A tɔ ɓíndɔ Mokonga ɗánsosi Mósa gea ábɛɗanɛgɛ ka mbenɔ á phɛ̌ka á Ɛma. Ɗángoɗi ɓe: «Ɔ́bɛɗanagambɛ tɔ ɓíndɔ ɗékophi kaengekɔ í gǔ á mamba.»

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»