Ɓaɛbulanía 12:22 - Ɔngana á Kɛ̌kɛ

²² Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Ɓaɛbulanía 12:22 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 5:35

tanda ka mokonda nga, ande ɔma á bisa ecinji akɛ, tanda ka Yɛusalɛ́ma nga, ande ntanga-nji ndea Moamɛ angbóngbó.

Ɓalɔ́ma 11:26

Mpɔ, Ɓaisilaɛ́li ɓɔbu ɓáamande ka měma ɓíndɔ Ɓuku á Mokonga ayɔngi: «Namisi atókande na Sayúni, atókisande ɓojeɗe bui á k'ɛɓɔkɔti ndea Yakɔ́ɓɔ.

Ɓalɔ́ma 9:26

Ɔma nde ɗáěngoɗi gea: ‹Ɓókó ɓakpa nɛmɔ›, wa tɔ unge ɓáɛɓɔphanande ɓana-Mokonga, Mɛna-enda.»

Ɓagalatía 4:26

Cɔ, Yɛusalɛ́ma á na koba, nna gǎkɛ ka kɔkɔɓɛ, yɛ aámbé ande amasu.

Ɓaɛphɛ́sɔ 2:19

Kaɓondɔ, ɓenu íɓundɔ ɓókó Ɓayúda, ɓókó ye ɓatókanga, kaɓɛ ɓunde ɗáɓátói ka nji nɛɓɔ, ɓo ye tɔ ɓato á ka nji ndea Mokonga. Ɓo ye tɔ ɓato á k'ékombo nɛkɛ.

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

1 Ɓatɛsalɔníka 1:9

Nga, ɓáɔsɔ́tɔmiaga sasaɓɔ ɓî ɗóɓosósesi ka kiɗia asu mɔtɛ-anu, na ɓî ɗóɓoɗu nkumba ésomba ájeɗe, ɓóǒpháia ka Mokonga, ɓóoɓá ɓabɛɗanigi nɛkɛ. Nga, Mokonga aámbé aoenda mɛyɔ n'ande Mɔkɔta á ɗoni á na koba.

2 Timɔtɛ́ɔ 4:18

Amoamisande ka ɓojeɗe bui á ɓaɓiɓia ani. Amoamisande ka ɓojeɗe bui, áomoenga ka ngisa ani ka koɓoamɛ nɛkɛ na koba. Cɔ, obebɔ áɓɛ ka yɛ ka saga na saga! Áɓɛ ɓó.

Ɓaɛbulanía 10:31

Cɔ, ande ngomi phɛɛ ka nkpa nde agúande ka njaga Mokonga mmbé aoenda.

Ɓaɛbulanía 11:10

nga, Abalaámu ɗáoɓondeaga nji nde Mokonga ɗáangi na ɗácumi ngeɔ í akpɛ mbenɔ á mɔphɛkɔ í.

Ɓaɛbulanía 11:16

Eya, ɗáɓákondi ndiu nji ánjá phɛɛ, ande gea, nji á n'ego. Kaɓondɔ unge Mokonga nnaokuwa na soni á ɔphana akɛ Mokonga nɛɓɔ. A ɓó ka nyɔngɔ nde Mokonga ɗáɓɔngisigi ka ɓɔ nji.

Ɓaɛbulanía 13:14

nga, ka mokonda nde ɓéké na nji nde aoiphia, ɓe ndiu okáɓa nji ndɔ aobika.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 21:10

Mpɔ, Měma á Mokonga áɔmɔgɔna, malaéka ndɔ áomokumba súa ntɔnga á mamba éndǎ phɛɛ. Áomophangia ntanga-nji á kanga ɓojeɗe, Yɛusalɛ́ma, n'aodida ka toka na koba mɔtɛ á Mokonga.

Mphaniɔ 21:2

Néɔɔna ntanga-nji á kanga ɓojeɗe, Yɛusalɛ́ma á kɛ̌kɛ n'aodida ka toka na koba mɔtɛ á Mokonga n'aɛphɔni ɓea nke n'aomɓondeaga munyakɛ.

Mphaniɔ 22:19

Aoɓá nkpa n'aphúi ka nyɔngɔ nde a suɓi á ɓuku nde á ɓaɔtu-nyɔngɔ ndea Mokonga, Mokonga aphúiande phɔtɔ ka keɓu ínɛkɛ á mbuka á me á enda na á ntanga-nji á kanga ɓojeɗe ɓíndɔ a suɓi á ɓuku ndee.

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 7:2

Nɛ́ɔmɔna malaéka ɓaangbo n'aoɗapha nci á n'okomo, n'abɛɗi mutúti ndea Mokonga Mɛyɔ. Áɔyɔnga n'ɛsɔ akpɛ ka ɓamalaéka ndea Mokonga gena ndɔ, ɗáɓěɓophi ɓukpɛkpɛ á túkatúka á mokonda n'oɓenge.