Ɓaɛbulanía 12:15 - Ɔngana á Kɛ̌kɛ

¹⁵ Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 12:15 Iomraidhean Croise

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

1 Ɓakɔlítɔ 10:12

Cɔ, nkpa nde aokanisia gea te, amame, éambɛ. Kaguɛ mɔnɔ.

1 Ɓakɔlítɔ 13:8

Ekondi nnaosía. Ɔtɔa á nyɔngɔ á Mokonga, beba á Mokonga ka ɛyɔngi nde nnaoúbukana, asiande gǎkɛ. Úbapha asiande.

1 Ɓakɔlítɔ 15:33

Ɓókǒdemisɛmbɛ: «Támbágá na ɓakpa ɓájeɗe aomúja nkpa.»

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 2:13

Ɓadakɛ ɓaɓêki Ɓayúda ɓuangbo á ka Antiɔkía, ɓâ phɔtɔ omɓea yɛ Pɛ́tɛɛ ka kema nde ɗáogeaga, Baanába â phɔtɔ ǒɓea ka tambea á maibe ndɔɔ.

Ɓagalatía 5:4

Ɓenu íɓundɔ ɓookaɓa ɔnɛkana ɓato á koɗoni mosá á Mokonga ka nyɔngɔ á ɛɔphi, ɓo ye katani na Kiísito. Ɓonde ɗanga na ɓonjánja-ékondi ndea Mokonga.

Ɓaɛphɛ́sɔ 5:3

Ɓî ɓonde ɓato á k'ékombo ndea Mokonga, nyɔngɔ ájeɗe, ɓea iɛɓɛ, ɓɔjɔɔkiɔ, na mɔphɛ á kema, nna ánjá áɔ́kɛkanɛ ka ɔlɔ anu.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

Títɔ 1:15

Cɔ, kema bui nnde kájɔɔkani a ka phɔa ɓunde ɓákájɔɔkani, nna gǎkɛ na ka kema nde kájɔɔkani nnde a ka phɔa ɓunde ɓájɔɔkani na ɓunde ɓákámɓeeki Mokonga nga, úbapha aɓɔ, na měma aɓɔ ajɔɔkani.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 4:1

Mokonga ɗásɔɔku ɓesu gea, asóphande aphe á ngia ka muúmbiɔ nɛkɛ. Cɔ, ɓɛ́ɛnjiɛni ɓonjánja kaɓɛmbɛ na ka ɓesu moci mmbé aúkande aphe á ngia kau

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.