Ɓaɛbulanía 11:4 - Ɔngana á Kɛ̌kɛ

⁴ Ka nyɔngɔ á ɓeekea, Abɛ́li ɗáphúi phɛ́a ánjá phɛɛ ka Mokonga kɔnyɛ́nya nnde á Kaína. Ka nyɔngɔ á ɓeekea ndɔ unge Mokonga ayɔngi gea Abɛ́li ande nto á ɗoni nga, Mokonga yɛ sasakɛ ɗáɓeeki ɛkɔmi ka Mokonga nɛkɛ. Nanga ɓî Abɛ́li aku ye, ɓeekea nɛkɛ a phɔ́tɔ n'aosóphɛa.

Ɓaɛbulanía 11:4 Iomraidhean Croise

Matáyɔ 23:35

Cɔ, nyɔngɔ á magia á ɓakpa nde ɗáɗǔkani ka mokonda na ɓákági ɓojeɗe, aɓande gǔ anu kpanga ka Abɛ́li nto á koɗoni na ka ɓî ɗáge osungiaga ka Jakaíya, muna Baakíya, mmbɔ ɗóɓomowe k'éndu á Mokonga, sɔsɔɓɛ á ɔma á kanga ɓojeɗe na ɛtɛ-ɔ́phɛ́ɔ.

Lóka 11:51

Nndɔ ɗákpangi n'aɗǔkana á magia ndea Abɛ́li na ka ɓî magia ndea Jakaía ɗáɗuúkani. Eya, ɗáɓámowe Jakaía sɔsɔɓɛ á ɛtɛ-ɔ́phɛ́ɔ na ɔma á ɓoombia á suɓi éndu á Mokonga. Eya, nenóngoɗi, nyɔngɔ ndɔ bui a ka mɔ̌ á ɓato á k'ɛ́ɓɔkɔti ndee.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Ɓaɛbulanía 11:2

Ka mbenɔ á mosá, Mokonga ɗáeɓeeki ɓato á kala ka nyɔngɔ á ɓeekea nɛɓɔ.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

Ɓaɛbulanía 5:1

Ngbɛga á ɓatoɓeigi-phɛ́a buakɛ Mokonga aámbé ɗánsɔmbu sɔsɔɓɛ á ɓakpa, áombisa ka bɛɗanaga ekuma nɛkɛ ka phɔa ɓɔ. Ande gea te, ntoɓeigi-phɛ́a ndɔ, aámbé aophúia ɛkɔmi ka Mokonga na toɓoa phɛ́a ɗanga-ɗanga ka nyɔngɔ á ɓojeɗe.

Ɓaɛbulanía 9:22

Cɔ, ande ɓea ɓíndɔ ɛɔphi asosi gea ɓojeɗe bubui a tɔ otóka ka ɗǔkana á magia. Aoɓá magia na káɗǔkanimbɛ, ande gea ɓojeɗe kaímikimbɛ.

2 Pɛ́tɛɛ 2:8

Nga, nto á koɗoni ndɔ ɗáiki ka ɔlɔ aɓɔ, ɗáɔɔ́ka na ɔna á esa bui tambea nɛɓɔ ájeɗe nnde ɗáotambisaga měma á koɗoni nɛkɛ.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.