Ɓaɛbulanía 11:37 - Ɔngana á Kɛ̌kɛ

³⁷ Ɓáɔ̌ɓɛta ɓuangbo n'ɛtɛ ɓáokuwa. Ɗáɓětenigi ɓuangbo na ngɔa gbútuka iɓɛ. Ɗáɓěme ɓuangbo na píndí. Ɓuangbo ɗáɓáɔkɔɓa na ɓáɔ́li mpoko á ɓamɔgɔgɔ na nnde á ɓamɛmɛ. Ɗáɓáendi ka keuka, tambaga na gea á ɓojeɗe ka phɔaɓɔ.

Ɓaɛbulanía 11:37 Iomraidhean Croise

Matáyɔ 21:35

Ka júa aɓɔ kó, ɓabɛɗanigi ka ciko ɓáǒdunga ɓabɛɗanigi ndɔ, ɓáɔmɓɛta ɓa k'ama mosá-mosá, ɓáommowa ɓa ko ɓaɓɛ, ɓáɔmɓɛta ɓa ko ɓasaɔ n'ɛtɛ, áokuwa.

Matáyɔ 3:4

Yoáni ɗáɔ́li ngɔ́mbɛ nde ɗáɓáɓɔngisi na sáá á ngamia, áɔ̌ɓɔɛa angeɗe á mpokɔ ka cina á kuju. Yɛ, ɗáoea ɓaáphaa na ɓoki á k'osaa.

Matáyɔ 8:20

Yéso áongoɗea: «Ɓanyama ɓea ɓakɛnsɛngɛ ɓá na kubu, ɓambǔ ɓá na iɓɔ. Cɔ, Muna-Nkpa, nna gǎkɛ na ɔma á tɔ̌.»

Lóka 13:34

Hoo! Yɛusalɛ́ma, hoo! Yɛusalɛ́ma, oɓɛ ímbe ǒmowa ɓaɔtu-nyɔngɔ ndea Mokonga, kusa aɓɔ ka makeaga ɛtɛ ɓunde Mokonga aǒteka mɔtɛ-akɔ! Mɔngɔ kǔngaáni ɗékondi dondanisa á ɓakpa nɛkɔ bíbí ani ɓea ama-gbɔ̌kɔ n'aódondanisa ɓ'anakɛ kusi á kepupe akɛ. Cɔ, ɓenu ɗóɓokókóndi gǎkɛ!

Ekuma á ɓateki 14:19

Mbusa, Ɓayúda á ka Antiɔkía na Ikɔníɔ, ɓáɔsɔia usɛsɛ á ɓakpa gea ɓágamanɛ na ɓɔ, ɓámmowɛ Pɔ́lɔ ka ɓɛtaga akɛ n'ɛtɛ. Ɓáonga ně ka ngba á ntanga-nji, ɓáokanisia te aku.

Ekuma á ɓateki 7:52

Ka ɓaɔtu-nyɔngɔ ndea Mokonga sina mmbé ɓatatanu ɗáɓákántambisigi? Eya, ɗáɓáemowe ɓundɔ ɗáɓáɔtu kiɗia á mbɛɗanigi nɛkɛ, Nto á koɗoni. Ɓenu gǎkɛ, ɓɔ́ɔntɔnga, ɓóommowa.

2 Ɓakɔlítɔ 12:10

Kaɓondɔ unge, nena maseye ka nyɔngɔ á ɓɔɔlɔ bui, kaɓɛ mbóma, ɓuyɛnɛ, tambaga ɗanga-ɗanga, k'ína á Kiísito. Mbenɔ nde nena ɓɔɔlɔ, wandɔ unge nena ɓukpɛkpɛ.

Ɓaɛbulanía 11:25

Ɗákondi ndiu gea, átambɛgɛ kimoci na ɓakpa ndea Mokonga. Áoyá ɓá na maseye ka mbenɔ abɔa ka ɓojeɗe.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Mphaniɔ 11:3

Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»