Ɓaɛbulanía 11:36 - Ɔngana á Kɛ̌kɛ

³⁶ Ɓuangbo goto ɗáɓěnɛphɛi na ɓinda aɓɔ. Ɗáɓěɓóege na ngoi á ngɔa ɓáǒmakea ka mekakɔ.

Ɓaɛbulanía 11:36 Iomraidhean Croise

Matáyɔ 20:19

Ɓámbisande ka njaga á ɓakpa ɓunde ɓáná Ɓayúda ka gea, ɓánɛphɛɛ, ɓámɓindɛ na gbutu na kɔkɛaga akɛ ka moyangɔ. Mpɔ, k'ésa á ko isaɔ ajujúkande ka kukuwa.»

Matáyɔ 21:35

Ka júa aɓɔ kó, ɓabɛɗanigi ka ciko ɓáǒdunga ɓabɛɗanigi ndɔ, ɓáɔmɓɛta ɓa k'ama mosá-mosá, ɓáommowa ɓa ko ɓaɓɛ, ɓáɔmɓɛta ɓa ko ɓasaɔ n'ɛtɛ, áokuwa.

Matáyɔ 23:34

Kaɓondɔ unge ɔ́kani phɔ́: Nenótekisiande ɓaɔtu-nyɔngɔ ndea Mokonga, ɓato á kɔɓɔɔngɛ na ɓaɗundu-ɛɔphi. Ɓǒmande ka ɓɔ, ɓɔ́ɔ̌kɔkɛaga ɓuangbo gǔ á moyangɔ. Ɓǒɓindande ɓuangbo k'éndu á madondanɔ ndea Ɓayúda ka nyɔngɔ á Mokonga na ɓeaga aɓɔ ntanga-nji ka ntanga-nji.

Matáyɔ 27:26

Mpɔ, Pilátɔ áonkoɗisa kaɓɔ Balába, â gǎkɛ omɓindisa Yéso, áonɗeketa ka gea, ɓánkɔkɛɛgɛ gǔ á moyangɔ.

Málikɔ 10:34

Ɓɔ, ɓámotondeande, ɓáomosúia soki, ɓáomoɓinda na gbutu, ɓáomomowa. K'ésa á ko isaɔ mbusa í, néojujuka ka kukuwa.»

Lóka 18:32

Ande gea te, ɓámobisande ka njaga á ɓakpa ɓunde ɓáná Ɓayúda, ɓámɔtɛbɛagande, ɓámobómande, ɓámosúiagande soki.

Lóka 23:11

Wa, Ɛlɔ́dɛ kimoci na ɓato émani nɛkɛ ɓáontondea Yéso na tɛɓa akɛ, ɓáɔmɔ́lisa ngɔ́mbɛ ánjá phɛɛ na jisa akɛ goto mɔtɛ á Pilátɔ.

Lóka 23:36

Ɓato émani ɓâ phɔtɔ k'ɔntɛbɛa na sɛkɛɗa bíbí ka opha akɛ divai nde aángai-ngai,

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 24:27

Mbusa á ɓasaga ɓaɓɛ, Pɔɔkíɔ Phɛ́sitɔ áɔmpɛna Phelíki. Phelíki ɗákondi ékondisaga na Ɓayúda, ka ɓɔndɔ áonɗeketa Pɔ́lɔ ka mekakɔ.

Ekuma á ɓateki 4:3

Kaɓondɔ, ɓáǒdunga, ɓáǒmakea ka mekakɔ na ka ɓî esa ɗáge okoɗokana nga, ɗá ye tɔ ɔgɔgɔ.

Ekuma á ɓateki 5:18

Kaɓondɔ, ɓáǒdunga ɓateki, ɓáǒmakea ka mekakɔ ángbó.

Ekuma á ɓateki 5:40

ɓáɔ̌ɓɔphana ɓateki, ɓáǒɓindisa. Ɓáǒimisia gea, Ɓákáyɔngɛmbɛ ye k'ína á Yéso. Mpɔ, ɓáǒɗeketa.

Ekuma á ɓateki 8:3

Saúlɔ gǎkɛ, áokaɓa tindisa á ɓato á kanisa. Áongia endu k'éndu, áǒdunga ɓǒko na ɓake, áǒmakea ka mekakɔ.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.