Ɓaɛbulanía 11:35 - Ɔngana á Kɛ̌kɛ

³⁵ Ɗátú phɔtɔ na ka ɓake nde ɗáɓěɓɔni goto ɓundɔ ɗáɓásí na ɓájujúki ka kukuwa. Ɓakpa ɓuangbo gǎkɛ ɓî ɗáɓětumigi ɓáokuwa, ɓáoyá gea ɓákěkoɗɛmbɛ. Ɗáɓákondi tɔ kukuwa, ka nyɔngɔ nde ɗáɓákondi ndiu jujúka ka kukuwa, ɓáoɓá na enda ánjá phɛɛ á mɛyɔ.

Ɓaɛbulanía 11:35 Iomraidhean Croise

Matáyɔ 22:30

Nga, ɓî ɓasí ɓájujukande ka kukuwa, ɓǒko ɓákáeɓukɛku ye ɓake na ɓake ɓákáɔmanɛku ye nga, ɓáendande ɓea ɓamalaéka na koba.

Málikɔ 12:25

Mbenɔ nde ɓasí ɓájujukaeka ka kukuwa, ɓǒko ɓákáeɓukɛku ye ɓake na ɓake ɓákáɔmanɛku ye nga, ɓɔbu ɓáɓande ɓea ɓamalaéka.

Lóka 14:14

Kaɓondɔ, oɓande na maseye nga, ɓakpa ndɔ ɓáká na kema á sikisia akɔ. Mokonga akosikisiande mbenɔ nde ɓato á koɗoni ɓájujukande ka kukuwa.»

Lóka 20:36

Ɓákátɔkɛku ye na ɓáku nga, ɓáɓande ɓea ɓamalaéka. Ɓánde ɓana-Mokonga, ɓî ɓájujúki ka kukuwa.

Yoáni 5:29

mpɔ, ɓáojuana suɓi í. Ɓunde ɗáɓági ánjá, ɓáojujuka, ɓáoɓá na enda. Ɓunde ɗáɓági gǎkɛ ájeɗe, ɓáojujuka, ka tena nyɔngɔ nɛɓɔ akpɛ.

Ekuma á ɓateki 22:29

Kɛ̌kɛndɔ, ɓunde ɗáɓátú ogea ɓámɓindɛ Pɔ́lɔ ɓáǒjujia. Mɔkɔta â phɔtɔ oɓánga nga, ɗásosi ɓámɓóegɛ Pɔ́lɔ n'ande Mɔlɔ́ma.

Ekuma á ɓateki 23:6

Ɓî Pɔ́lɔ ɗáúbi gea ka ɓato á ka ntua ndɔ ɗáɓátú Ɓaphaisáyɔ, ɓuangbo gǎkɛ Ɓasadukáyɔ, mpɔ áɔyɔnga k'ɛ́sɔ akpɛ ka ntua ndɔ gea: «Ɓaya, nende Mophaisáyɔ, muna Ɓaphaisáyɔ. Ɓáotena nyɔgɔ nɛmɔ akpɛ ka nyɔngɔ nde, ɓena nseɓeɔ ka nyɔngɔ á jujúka á ɓasí ka kukuwa.»

Ekuma á ɓateki 24:15

Nena nseɓeɔ ka Mokonga, ɓíndɔ ɓakpa ndɔ ɓá ně gea, ɓakpa ɓ'ánjá na ɓakpa ɓ'ájeɗe ɓɔbu ɓájujukande ka kukuwa.

Ekuma á ɓateki 4:19

Mpɔ, Pɛ́tɛɛ na Yoáni ɓáǒsikisia te: «Tenani phɔ́ nyɔngɔ nde sasanu. Aánjá mosá á Mokonga ɔ́ka anu kángá á ɔ́ka Mokonga?

Ekuma á ɓateki 9:41

Pɛ́tɛɛ áondunga ka njaga, áonenga ka mesia akɛ. Mpɔ, áɔ̌ɔphana ɓaɓêki na ɓake á k'ekusa ɓɔbu, áɔ̌ɔnisa Tabíta n'aoenda.

1 Ɓakɔlítɔ 15:54

Mbenɔ nde ɓakpa nde ɓá na nyama nde aophoa, ɓî ɓá ye na nyama á kɛ̌kɛ, na ɓunde ɓáokuwa ɓá ye na enda á mɛyɔ, wandɔ, nyɔngɔ á Ɓuku á Mokonga atɔtɔkɛanande ɓíndɔ ayɔngi: «Kukuwa así, Mokonga atɔki.

Ɓaphilípi 3:11

Mpɔ, néoseɓea jujúka sɔsɔɓɛ á ɓasí.