Ɓaɛbulanía 11:33 - Ɔngana á Kɛ̌kɛ

³³ Ka nyɔngɔ á ɓeekea unge ɗáɓátɔki nji ndea ɓaamɛ. Ɗáɓáɔbɛɗanaga ka kɔkɔta nɛɓɔ na koɗoni na tɔá á kema nde Mokonga ɗáɔku. Ɓakpa ɓuangbo ɗáɓáɗaki aphenɔkɔ á ɓasimba.

Ɓaɛbulanía 11:33 Iomraidhean Croise

Matáyɔ 5:12

Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Ɓagalatía 3:16

Cɔ, Mokonga ɗámɔku Abalaámu n'ɛɓɔkɔti nɛkɛ. Ɓuku á Mokonga ɗákáyɔngi: «K'ɛ́ɓɔkɔti nɛkɛ bui» ɓea ɓakpa ɓásii. Ɗáyɔngi ndiu: «K'ɛ́ɓɔkɔti nɛkɔ» ande gea te nkpa moci n'ande Kiísito.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 11:17

Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.