Ɓaɛbulanía 11:27 - Ɔngana á Kɛ̌kɛ

²⁷ Ka nyɔngɔ á ɓeekea, Mósa ɗátóki na Mísii kángá á ɓánga esuia ndea moamɛ. Áosuia ú ɓea nkpa nde aɔmɔɔna Mokonga mmbé ɓákáɔmɔɔna n'iso.

Ɓaɛbulanía 11:27 Iomraidhean Croise

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Matáyɔ 24:13

Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.

Málikɔ 13:13

Ɓakpa ɓɔbu ɓánókangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.»

Málikɔ 4:17

Aoɓá ka mbenɔ á kpǎ á minyɔ na tambaga ka Nyɔngɔ á Mokonga, ɓâ ndiu okamba ú. Ɓáogua nga, Nyɔngɔ á Mokonga ɗákángisi mǐgi suɓi aɓɔ.

Ekuma á ɓateki 2:25

Nga, moamɛ Daúdi ɗáengekisi nyɔngɔ nɛkɛ gea: ‹Ɗɛ́ɔmɔna Mɔkɔta Mokonga mosá ani mbenɔ bubui, ka nyɔngɔ nde, aka njaga ani á mǔku, ka gea kéemanɛgɛ.

1 Ɓakɔlítɔ 13:7

Nto ékondi aogbukumia nyɔngɔ ájeɗe bui, ana ɓeekea ka kema bui, aoseɓea kema bui, aokinia kema bui.

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 6:16

Yɛ sasakɛ tɔ aámbé kákuwɛeka. Aiki k'owanga nde nkpa nnaɔtɔka n'ambîmisi. Nna na nkpa nde amɔnimbɛmɔnɔ na nna na nkpa nde aɔtɔka n'amɔni. Cɔ, Mokonga áɓɛ na ɓoombia na ɓukpɛkpɛ ka saga na saga, áɓɛ ɓó.

Ɓaɛbulanía 10:32

Kanisiani phɔ́ kema nde ɗátɔtɔkɛani ka ɓenu mbenɔ nde ɗóɓotɔi owanga ndea Mokonga. Mbusa índɔ ábɔa ɓôtambaga akpɛ phɛɛ, ɓô gǎkɛ ophiphia ú.

Ɓaɛbulanía 11:1

Ɓeekea á Mokonga ande ɗigimisa kema nde ɓe ye tɔ na ɓeseɓei. Ande phɔtɔ úba á ɗoni gea, kema nde ɓékéɔɔna atɔtɔkɛanande.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 6:15

Ɓî Abalaámu ɗábisi měma akɛ ka mɔkɔ ndɔ kángá ɛla, mɔkɔ nde Mokonga ɗáɔku ka phɔakɛ áɔtɔtɔkɛana ka yɛ.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.