Ɓaɛbulanía 11:17 - Ɔngana á Kɛ̌kɛ

¹⁷ Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Ɓaɛbulanía 11:17 Iomraidhean Croise

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

2 Ɓakɔlítɔ 8:12

Nga, aoɓá na ɓobisi mɔphɛ ánjá, Mokonga aɓeekeande kema nde ɓogabi, ka ɓeana na nnde nkpa aně, nna gǎkɛ k'índe nkpa nna ně.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 7:6

Cɔ, Mɛlkisɛdɛ́ki ɗáká gǎkɛ k'ékombo ndea Láwi. Yɛ â ndiu ɔbɛɗa phaeka moci á nkama á nkumba nde Abalaámu ɗátú ně. Mbusa í, áobisa njaga gǔ á Abalaámu ímbe ande mɛna-mɔkɔ ndea Mokonga.

Yakɔ́ɓɔ 5:11

Maseye áɓɛ ka ɓunde ɓáphiphíí tambaga. Ɗɔ́ɓɔɔ́ki nyɔngɔ á měma áɗoko ndea Yɔ́bu. Ɓooúba kema nde Mɔkɔta ɗági ka phɔakɛ mbusa í. Nga, Mɔkɔta atúmi na ngomi na ɓonjánja.

1 Pɛ́tɛɛ 4:12

Ɓadani ékondi, ɓókotangaɛgɛmbɛ ɔna á ɓî ɓo suɓi á nsa á tombaga, ɓea kema nde kátókeni donda anu.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.