Ɓaɛbulanía 10:5 - Ɔngana á Kɛ̌kɛ

⁵ Kaɓondɔ unge, mbenɔ á ngia á Yéso ka mokonda ɗáyɔngi gea: «Ɗókókóndi ɔphɛ́ɔ na ɛkɔmi ka Mokonga, ô ndiu oconja nyama á kokpa ka phɔani.

Ɓaɛbulanía 10:5 Iomraidhean Croise

Matáyɔ 11:3

ka usia akɛ ɓe: «Oɓɛ aámbé otókeni óbikɛ? Ɓémɓondeɛgɛ goto nkpa ɓaangbo?»

Lóka 1:35

Malaéka áonsikisia te: «Měma á kanga ɓojeɗe adidande, áoika gǔ akɔ. Mokonga, Mmbé ana kɔkɔta bui, aogbukumiande n'iimbiɔ á ɓukpɛkpɛ nɛkɛ. Kaɓondɔ unge mmbé ɔmɓɔkɔtande aɓande nto á kanga ɓojeɗe, ɓámɔphanande phɔtɔ Muna-Mokonga.

Lóka 7:19

áǒteka mɔtɛ á Mɔkɔta, ɓámúsiɛ te: «Onde Masíya, mmbɔ abikande ndɔ? Kaɓɛ na nna ɓó, akeni ɓémɓondeɛ ɓaangbo?»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 1:6

Ɓî Mokonga ɗámbikisi Miki nɛkɛ ánge ka mokonda, â ndiu ɔyɔnga gea: «Ɓamalaéka ndea Mokonga ɓɔbu ɓágbukɛ muanku mosá akɛ.»

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 10:7

Ɗéyɔngi ɓe: ‹Cɔ, eme yɛ, nebiki ɔtɔtɔkisa kema nde oɓɛ Mokonga okondi nga, ɓondɔ unge ɓáɗundu ka phɔani suɓi á ɓuku nɛkɔ.›»

Ɓaɛbulanía 10:8

Kiísito ɗáyɔngi phɔ́ ɓe: «Oɓɛ ɗókókóndi ɔphɛ́ɔ, ɛkɔmi ka Mokonga, ɓanyama á toɓoa gǔ ɛ́tɛ-ɔ́phɛ́ɔ na ɛkɔmi ka Mokonga á íma á ɓojeɗe, nndɔ ɗákáɔɓɔngɛi.» Nanga ɔphɛ́ɔ ndɔ bui, ɛɔphi ndea Mósa tɔ unge asosi.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

Ɓaɛbulanía 5:7

Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.

Ɓaɛbulanía 8:3

Ngbɛga á ɓatoɓeigi-phɛ́a buakɛ, ɓámbisi ka phúia ɛkɔmi ka Mokonga na ka phúia phɔtɔ ɔphɛɔ. Cɔ, akeni phɔtɔ gea mmbé ɓ'asu áɓɛ na kema nde aphúiande.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.