Ɓaɛbulanía 10:38 - Ɔngana á Kɛ̌kɛ

³⁸ Nkpa nde ande nto á ɗoni mosá ani, aendande ka nyɔngɔ á ɓeekea. A gǎkɛ oɓá n'ěcoe, měma ani káɓɛku na maseye ka yɛ.»

Ɓaɛbulanía 10:38 Iomraidhean Croise

Matáyɔ 12:18

«Mokonga ayɔngi: mɔnani mbɛɗanigi nɛmɔ, mmbé ɗɛ́nsɔmbu, néonkonda phɛɛ, nena maseye ka yɛ. Nebisande Měma ani ka yɛ, aɛ́tɔ̌miande ɓato á k'ékuna bui koɗomi nɛmɔ.

Matáyɔ 13:21

Nyɔngɔ kau kaɓɛ gǎkɛ na mǐgi suɓi aɓɔ. Ɓá tɔ ǒyamea ka Nyɔngɔ ndɔ ka mbenɔ ábɔa. Aoɓá ka mbenɔ á tambaga na ea á minyɔ ka phɔa Nyɔngɔ á Mokonga, ɓáogua mɔngɔ ímoci.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓagalatía 3:11

Ande base gea, Mokonga nnaomɓeekea nkpa gea, ande nto á koɗoni ka nyɔngɔ á amba ɛɔphi. Nga, ɓáɗundu suɓi á Ɓuku á Mokonga gea: «Ɓato á koɗoni ɓáendande ka nyɔngɔ á ɓeekea.»

1 Ɓatɛsalɔníka 2:15

Ai! Ɓayúda ɗáɓěme ɓaɔtu-nyɔngɔ ndea Mokonga, ɓâ phɔtɔ ommowa Mɔkɔta Yéso. Mpɔ, ɓáosótambisaga ɓesu ɓateki. Ɓakpa ndɔ ɓámɓɛisi Mokonga, ɓáoɓá ɓaɓiɓia á ɓakpa ɓɔbu.

Ɓaɛbulanía 10:39

Ɓéké ɓakpa nde ɓeǒcoa ka ɓeekea na gǎ ɓungaga. Ɓe ndiu ɓakpa nde ɓemɓeeki Mokonga ka gea te, ásoamisɛ ka měma.

Yakɔ́ɓɔ 5:6

Ɗóɓoteni akpɛ nyɔngɔ ndea ɓakpa ɓunde ɓáká na nyɔngɔ na mowa aɓɔ, ɓɔ ɗáɓákáeunisi.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.