Ɓaɛbulanía 10:36 - Ɔngana á Kɛ̌kɛ

³⁶ Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 10:36 Iomraidhean Croise

Matáyɔ 10:22

Ɓakpa ɓɔbu ɓánokangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande.»

Matáyɔ 12:50

Nga, nkpa buakɛ mmbé aogea kema nde Abɛ mmbé á na koba akondi, yɛ aámbé ande muna-ayi, áwáni na ayi.»

Matáyɔ 21:31

Cɔ, sɔsɔɓɛ á ɓaniki ndɔ ɓaɓɛ, ani mmbé ɗátɔtɔkisi mɔphɛ á abakɛ?» Ɓáonsikisia te: «Mmbɔ ɓa mosá.» Mpɔ Yéso áǒsikisia te: «Nenóngoɗi ɗoni gea, ɓaphendisigi-manjanja na ɓake á mambɔ, ɓángiande ka koɓoamɛ ndea Mokonga mosá anu.

Matáyɔ 24:13

Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.

Matáyɔ 7:21

Nna ɓakpa ɓɔbu ɓunde ɓáɔmɔɔphana ‹Mɔkɔta! Mɔkɔta!› ɓáunge ɓángiande ka koɓoamɛ ndea na koba. A tɔndɔ gǎkɛ ɓunde ɓáɔtɔtɔkisa mɔphɛ ndea Abɛ, mmbé á na koba.

Málikɔ 3:35

Nga, nkpa nde aotambea ɓíndɔ Mokonga akondi, mmbɔ aámbé ande muna-ayi, áwáni na ayi.»

Lóka 21:19

Cɔ, bisani měma anu, nga ka gea anu ɓó aunge ɓoamisande měma anu.»

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ekuma á ɓateki 13:22

Mbusa í, Mokonga áontókisa Saúlɔ, áomamisa ká ɓɔ Daúdi ka kɔkɔta. Â phɔtɔ ɔyɔnga ka phɔa akɛ ɓe: ‹Nɛnsɔmbu Daúdi, muna Yɛ́sɛ, mmbé amɔɓɔngɛi ka měma. Yɛ, atɔtɔkisande mɔphɛ nɛmɔ bui.›

Ekuma á ɓateki 13:36

Nga, mbusa á Daúdi gɔɓa á bɛɗanaga ɓíndɔ mɔphɛ ndea Mokonga ɗákondi ka enda akɛ, áokuwa. Ɓáomúmba ka ngbangbata ndea ɓatatakɛ, mǒnda akɛ áophoa.

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 8:25

Cɔ, kaɓɛ na ɓeseɓei kema nde ɓékékɔɔna, ɓe gǎkɛ oɓondea ú na měma á phiphia.

1 Ɓakɔlítɔ 13:7

Nto ékondi aogbukumia nyɔngɔ ájeɗe bui, ana ɓeekea ka kema bui, aoseɓea kema bui, aokinia kema bui.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

Ɓaɛphɛ́sɔ 6:6

Ɓókóɓɛmbɛ tɔ ɔbɛɗanaga ámbé ɓánómamei ka ékondisaga na ɓɔ. Tɔtɔkisani ndiu mɔphɛ á Mokonga na měma mo, ɓea ɓakɔɓɛ á Kiísito.

Ɓakɔlɔsái 1:11

Ambe Mokonga ánóphɛ ɓukpɛkpɛ bui, měma á kinia á kema na měma á phiphia.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

Ɓaɛbulanía 11:39

Ɓakpa ndɔ ɓɔbu Mokonga áǒsega ka nyɔngɔ á ɓeekea nɛɓɔ. Nanga ɓó, ɗáɓákáɔni gǎkɛ kema nde Mokonga ɗɛ́ɔku.

Ɓaɛbulanía 12:1

Cɔ, ɓesu phɔtɔ, usɛsɛ á ɓaɗigimisi ndɔ asotimbi ka ɛnjia asu ka njoko á mbangɔ. Kaɓondɔ ɓémakɛni ɗanga nnde aosóɗokomisa na ɓojeɗe nde ɓékéoiphia na tá kau. Ɓéɓɛni na moíngí ka mbagɔ kau.

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 6:12

Ɓî a ɓó, ɓókoɓɛmbɛ ɓakusi. Ɓeani ndiu nyɔngɔ á ɓakpa nde ɓátétemisi ɓeekea nga, ɓundɔ ɓáunge ɓátɔande ɓotukɔ á mɔkɔ nde Mokonga ɗáɔku.

Ɓaɛbulanía 6:15

Ɓî Abalaámu ɗábisi měma akɛ ka mɔkɔ ndɔ kángá ɛla, mɔkɔ nde Mokonga ɗáɔku ka phɔakɛ áɔtɔtɔkɛana ka yɛ.

Ɓaɛbulanía 6:17

Mokonga ɗáyami ɔphá gǔ á mɔkɔ ka úbisa ɓakpa nde ɓátɔande ɓotukɔ á mɔkɔ gea, Mokonga káketiɛeka tanda moangɔ nde abisi ka phɔa nkpa.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

1 Pɛ́tɛɛ 1:9

Ɓona maseye ndɔ ka nyɔngɔ nde, ɓooama ka měma. Nndɔ unge ande cina á ɓeekea nɛnu.

1 Yoáni 2:17

Mokonda aɔnyɛ́nya na mɔphɛ á kema bui nde a suɓi í. Nkpa nde a gǎkɛ ɔtɔtɔkisa mɔphɛ ndea Mokonga, aendande mɛyɔ.

Mphaniɔ 13:10

Kaɓɛ nkpa n'akeni ngia ka mekakɔ, angiande ka mekakɔ. Kaɓɛ nkpa n'akeni kuwa na mɓɛngɛ, akuwande na mɓɛngɛ. Ɓɔndɔ unge akeni ɓato á Mokonga ɓáɓɛ na měma á phiphia á tambaga na ɓeekea.

Mphaniɔ 14:12

Cɔ, ka ɓondɔ unge, ɓato á Mokonga, ɓunde ɓáoamba ɛɔphi nɛkɛ, na ɓeekea á Yéso, akeni ɓáphiphiɛ tambaga.»