Ɓaɛbulanía 10:34 - Ɔngana á Kɛ̌kɛ

³⁴ Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 10:34 Iomraidhean Croise

Matáyɔ 19:21

Yéso áongea te: «Aoɓá n'okondi ɓá nto anjánjá phɛɛ, gǎ ósombisɛ nkumba nɛkɔ bubui, óɓophɛ ɓato á ɓuyɛnɛ imɔna í, na oɓande n'ɛtɔi na koba. Mpɔ, bika ómoɓeɛ.»

Lóka 10:42

Cɔ, nyɔngɔ moci tɔ unge ana kantíti. Nga kema nde Malía asɔmbu aánjá kɔnyɛ́nya kema bui. Nkpa nnaɔtɔka n'amuti ú.»

Lóka 12:33

Sombisani nkumba nɛnu, ɓóɓophɛ ɓato á ɓuyɛnɛ imɔna í. Ɓɔngisiani ndiu kanu njombi á na koba, nnde nnaoújukana. Phombeagani kanu ɛtɔi na koba k'ɔ́ma nde ɓákáújɛku, ɓakukuɓa ɓákádondɛeka na ɓansɛngɛ ɓákáújɛeka

Lóka 9:25

Cɔ, ana kantíti sina aoɓá nkpa n'atɔi nkumba bui á ka mokonda n'aɓúngisi ndiu enda akɛ, kaɓɛ n'ětúkatúki sisakɛ?

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 28:20

Kaɓondɔ unge nɛnɔ́ɔphani gea nɛ́nɔɔnɛ, nɛ́yɔngɛgɛ na ɓenu. Nga, ɓámɔɓɔí ngoi á ngɔa nde, ka nyɔngɔ á nseɓeɔ nde Ɓaisilaɛ́li ɓáně.»

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

2 Ɓakɔlítɔ 5:1

Cɔ, ɓeoúba gea, nyama asu a ɓea ɛma nde ɓeoenda suɓi í ka mokonda nnde aɔngbɔɔkana, Mokonga asóbisíí endu na koba, nnde aoiphia mɛyɔ. Nna ɓakpa ɓáunge ɓáphɛkande.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 6:20

Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

1 Timɔtɛ́ɔ 6:19

Kaɓondɔ unge, ɓábisande ka ɓɔ nkumba ánjá nnde aoiphia k'ésa nde abikaeka ka gea, ɓáɓɛ na enda á ɗoni.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 11:16

Eya, ɗáɓákondi ndiu nji ánjá phɛɛ, ande gea, nji á n'ego. Kaɓondɔ unge Mokonga nnaokuwa na soni á ɔphana akɛ Mokonga nɛɓɔ. A ɓó ka nyɔngɔ nde Mokonga ɗáɓɔngisigi ka ɓɔ nji.

Ɓaɛbulanía 13:14

nga, ka mokonda nde ɓéké na nji nde aoiphia, ɓe ndiu okáɓa nji ndɔ aobika.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Yakɔ́ɓɔ 1:2

Ɓaya, ɓáni na maseye phɛɛ mbenɔ nde ɓoongia ka tombaga ɗanga-ɗanga.

1 Pɛ́tɛɛ 1:4

na ɓondea á ɓotukɔ nde Mokonga anóbisíí na koba nnde nnaoújukana, nnaɔjɔɔkana, nnaoɓuɓia.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.