Ɓaɛbulanía 10:32 - Ɔngana á Kɛ̌kɛ

³² Kanisiani phɔ́ kema nde ɗátɔtɔkɛani ka ɓenu mbenɔ nde ɗóɓotɔi owanga ndea Mokonga. Mbusa índɔ ábɔa ɓôtambaga akpɛ phɛɛ, ɓô gǎkɛ ophiphia ú.

Ɓaɛbulanía 10:32 Iomraidhean Croise

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓaphilípi 3:16

Nanga áɓá ɓóni, akeni ɓétútuisɛ tamba k'aphe nde ɗéɓeɓǐ na ka kɛ̌kɛnde.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

Ɓaɛbulanía 5:12

Ka nyɔngɔ nde ɓo ye nyɛ́nyisi mbenɔ ásii phɛɛ, atókeni ɓóɓɛ ɓagoisigi. Nanga áɓá ɓó, ɓo phɔtɔ na siki á goisaga anu nyɔngɔ abɔbɔbɔa á ɓɔphɛi ndea Mokonga. Ɓo phɔ́ goto tɔ na siki á unga, nna ndiu opha anu eea akpɛ

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

Ɓaɛbulanía 6:4

Nga, ɓakpa nde ɓáɗeketi tambea nɛɓɔ á kɛ̌kɛ goto ka tambea nɛɓɔ á kala na ɓátú ye suɓi á owanga ndea Mokonga, na ɓáɗíí ye ka keɓu á na koba na tɔá á Měma á kanga ɓojeɗe,

2 Yoáni 1:8

Cɔ, ɔ́ɛnjɛani ka gea, ɓókóújɛmbɛ ekuma nde ɓɛbɛɗanigi sɔsɔɓɛ anu, akeni ndiu ɓɔ́tɔɛ ophendɔ nɛnu bui.

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.