Ɓaɛbulanía 10:29 - Ɔngana á Kɛ̌kɛ

²⁹ Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 10:29 Iomraidhean Croise

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Matáyɔ 7:6

Ɓókǒɓophɛmbɛ ɓambwa kema ndea Mokonga ka ɓanga gea, ɓákanójǐɛmbɛ na nyɔága á kesuku anu. Phɔtɔ, ɓókomakɛmbɛ nsanga á esombi akpɛ mosá á ɓangɛa, ka ɓanga gea, ɓáɗɛtɛagande.

Málikɔ 7:2

Ɓáɔ̌ɓɔna ka ɓagoigi ndea Yéso na ɓáoeaga njaga aɓɔ n'ajɔɔkani, ande gea te kángá á sokosa á njaga ɓíndɔ asii nɛɓɔ asosi.

Lóka 12:10

Nkpa buakɛ, mmbé aɔyɔnga nyɔngɔ ájeɗe gǔ á eme Muna-Nkpa, Mokonga aímande ɓojeɗe nɛkɛ. Mmbé a gǎkɛ ombóma Měma á kanga ɓojeɗe, Mokonga káímɛku ndiu ɓojeɗe nɛkɛ.

Yoáni 10:36

Eme, Abɛ amɔsɔmbu, áomoteka ka mokonda. Cɔ, ka nyɔngɔ sina nde ɓomogi neombóma Mokonga ɓî negi te, nende Muna-Mokonga?

Yoáni 17:19

Ka nyɔngɔ aɓɔ unge, něyamei buani k'óɓɛ, ka gea, ɓɔ phɔtɔ ɓáɓɛ ɓakpa nɛkɔ ɗoni.

Ekuma á ɓateki 7:51

Cɔ, ɓenu ɓato á mɔ̌ akpɛ nde ca! Ɓawó á ka měma na ɓaɗaki-kecue nde ca! Esa bui ɓoopúa na Měma á kanga ɓojeɗe ɓíndɔ ɓatatanu ɗáɓátú ogea.

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

1 Ɓakɔlítɔ 11:27

Ka nyɔngɔ nde, nkpa nde aoea mokati na noa á divai á ka kiɓe ndea Mɔkɔta na kákeni, mmbɔ agi ɓojeɗe ka phɔa nyama na magia á Mɔkɔta.

1 Ɓakɔlítɔ 11:29

Ka nyɔngɔ nde, aoɓá nkpa n'aí mokati na noa divai á ka kiɓe kángá úba kantíti á nyama á Mɔkɔta, ateni nyɔngɔ nɛkɛ akpɛ yɛ sasakɛ ka ea na noa.

1 Ɓakɔlítɔ 15:25

Nga, akeni Kiísito ámameɛ nji bubui na ka ɓî Mokonga aebisande ɓaɓiɓia nɛkɛ ɓɔbu kusi écinji akɛ.

1 Ɓakɔlítɔ 15:27

Nga, Ɓuku á Mokonga agi ɓe: «Mokonga ɗábisi kema bubui kusi á ecinji akɛ.» Ande gea, suɓi á nyɔngɔ nde: «kema bubui» Mokonga nna kusi á Anakɛ. Mokonga abisi ndiu kema bubui ka njaga á Kiísito.

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

Ɓaɛphɛ́sɔ 4:30

Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 2:11

Nga, Yéso mmbé aosokosea ɓojeɗe á ka měma á ɓakpa na ɓunde Yéso ěsokosei ɓojeɗe, ɓɔbu ɓá tɔ na nyama á kokpa. Ka nyɔngɔ índɔ unge Yéso nna okuwa na soni á ɔphana aɓɔ ɓana-ayi.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 6:4

Nga, ɓakpa nde ɓáɗeketi tambea nɛɓɔ á kɛ̌kɛ goto ka tambea nɛɓɔ á kala na ɓátú ye suɓi á owanga ndea Mokonga, na ɓáɗíí ye ka keɓu á na koba na tɔá á Měma á kanga ɓojeɗe,

Ɓaɛbulanía 6:6

ɓakpa ndɔ ɓákátɔkɛku ye goto ɓákětiɛ tambea aɓɔ mɔngɔ á ko iɓɛ nga, ɓánkɔkɛigi goto Muna-Mokonga gǔ á moyangɔ na ophá á ɓakpa ɓunɛngbo aphe á bóma akɛ.

Ɓaɛbulanía 9:13

Ɓíndɔ asii asosi, ɓáokpanjiaga magia á mɛmɛ na magia á ngɔmbɛ na ebǔ á mponjo á ngɔmbɛ nkei mmbé ɓántoɓu gǔ á ɓakpa nde ɓági ɓojeɗe. Mpɔ ɓojeɗe á ka nyama aɓɔ áotóka.

Ɓaɛbulanía 9:20

Wa, n'aɔyɔnga ɓe: «Nnde ande magia nde aengekisi ɔngana nde Mokonga ɗábisi sɔsɔɓɛ akɛ na ɓenu ka gea te ɓóambɛ ú.»

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.