Ɓaɛbulanía 10:27 - Ɔngana á Kɛ̌kɛ

²⁷ Kema nde ajigi gǎkɛ a tɔ ɓondeaga á tena nyɔngɔ akpɛ nnde aoɓángisa, phɔtɔ na nsa ángbó nde ɛ̌ɛkɛkisagande ɓaɓiɓia ndea Mokonga.

Ɓaɛbulanía 10:27 Iomraidhean Croise

Matáyɔ 13:42

Ɓáemakande ɓakpa ndɔ ka ɛɛmbɛ á nsa. Kondɔ unge ɓakpa ɓágámande na ea á minyɔ.

Matáyɔ 13:50

Ɓáǒmakea ɓato-ájeɗe ka ɛɛmbɛ á nsa. Kó, aɓáeka ngamɔ na ea á minyɔ.»

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 3:10

Cɔ, ɓábisi ye eoka ka tenaga á mǐgi-mǐgi á ɓame. Me buakɛ mmbé nnaɔgɔmbisa mbuka ánjá, ɓámbiande na maka akɛ ka nsa.

Matáyɔ 3:12

Yɛ, abɛɗi ungɔ ka njaga akɛ, aɔɓɔngisiaga ɔma. Atundagande nganɔ, áobisa k'égbóngbó nɛkɛ, â gǎkɛ ɔɛkɛkisaga mapɛpɛ í ka nsa nde nnaoimika.»

Matáyɔ 8:29

Ɓato á kukuwa ndɔ ɓáokoga: «Muna-Mokonga hoo! Ekende ɓen'oɓɛ kau ee? Obiki osotambisaga mbenɔ nɛsu na ka kpeengeanimbɛ?»

Lóka 16:24

Áontoɓea Abalaámu ɓe: «Abɛ hoo! Ómokuia ngomi. Nteka kani Lajáɔ, áubɛ́ sese á miki á njaga akɛ ka iɓo, ádɛkisɛgɛ n'eɗáka ani. Eme aámbé neotambaga k'ɛɛmbɛ á nsa ndee.»

Lóka 19:27

Cɔ, ɓaɓiɓia ani, ɓundɔ ɓánáokonda néɓɛ moamɛ gǔ aɓɔ, obikani ně koni, ɓóótenɛ mosá ani.›»

Lóka 21:26

Ɓukpɛkpɛ á ɓakpa asiande ka nyɔngɔ á kɔɓɔɓɔkɔ á kema ájeɗe ɗanga-ɗanga nde atɔtɔkɛanande ka mokonda nde ɓáiki kau. Nga, kema bui nde ana ɓukpɛkpɛ na koba, aɗengande.

Lóka 23:30

 goto ɔyɔnga, ɓakpa ɓákpangande ngoɗea á mamba gea: ‹Ósóguia!› Na ngoɗea etondoo: ‹Ɔ́sɔ́sɔmɛa!›

Yoáni 5:29

mpɔ, ɓáojuana suɓi í. Ɓunde ɗáɓági ánjá, ɓáojujuka, ɓáoɓá na enda. Ɓunde ɗáɓági gǎkɛ ájeɗe, ɓáojujuka, ka tena nyɔngɔ nɛɓɔ akpɛ.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 12:29

Eya, Mokonga nɛsu ande nsa nde aɔɛkɛkisaga.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Ɓaɛbulanía 9:27

Ɓî nkpa buakɛ a tɔ okuwa mongɔ ímoci, mbusa á kukuwa Mokonga áotena nyɔngɔ nɛkɛ,

Yakɔ́ɓɔ 5:3

Láté na imɔna nɛnu ana ɓánkɛngɛɔ. Ɓánkɛngɛɔ ndɔ, ande mphangiɔ á uja á nyama anu n'akɛkɛtande nyama anu ɓea nsa. Nga, ɓɔtɔi ásii k'ésa á sungiaga á mokonda.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.