Ɓaɛbulanía 10:24 - Ɔngana á Kɛ̌kɛ

²⁴ Ɓéenganɛni ka gea te, nkpa na nkpa átɔtɔkisɛ ekondi na ekuma ánjá ka dakɛ.

Ɓaɛbulanía 10:24 Iomraidhean Croise

Ekuma á ɓateki 11:29

Cɔ, ɓagoigi á ka Antiɔkía ɓáosuia gea, ɓáphúiɛ imɔna ɓíndɔ nkpa na nkpa atɔande, ɓátekɛ ka enga á ɓadaɓɔ ɓaɓêki á na Yudɛ́a.

Ɓalɔ́ma 11:4

Cɔ, Mokonga ɗánsikisíí gǎkɛ ɓo? Ɗángoɗi gea: «Nena ɓǒko ɛlɛphu ngianjaga iɓɛ (7.000) ɓunde ɓákátógbuki muanku aɓɔ mosá á mokonga á mbɛa Báli.»

Ɓalɔ́ma 12:15

Ɓáni na maseye na ɓunde ɓá na maseye. Gámani na ɓunde ɓáogáma.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 9:22

Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

2 Ɓakɔlítɔ 8:8

Kéonósosea, ne ndiu ɔyɔnga nyɔngɔ á moíngí nde ɓadanu ɓátú ně. Kaɓondɔ, nenóphi mbenɔ á ɔnisa gea, ekondi nɛnu ande á ɗoni.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 5:11

Cɔ, phiphisanani měma, gbagisanagani, ɓíndɔ ɓo ye tɔ ogea kɛ̌kɛnde.

2 Ɓatɛsalɔníka 3:9

Ɗéɓegi ɓó, nna gea ɗéɓékétú na kɔkɔta ka gea ɓósóengɛ. Ɗébekondi ndiu, ɗeketea anu mphangiɔ ka ɓeá á tambea asu.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Títɔ 2:4

ka gea, ɓégoisɛgɛ ánjá ɓamponjo á ɓake ka konda á ɓamunyaɓɔ na konda á ɓ'anaɓɔ,

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 13:1

Ikani k'ékondi á komunamema ngǔngu anu.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Ɓaɛbulanía 3:13

Gbagisanagani ndiu ka měma esa bui, ka mbenɔ nde «Kesande» a phɔ́tɔ ɓei ɓea ɓî Ɓuku á Mokonga ayɔngi ka gea, ka ɓenu moci ɓojeɗe kanɗakɛmbɛ měma na demaga akɛ.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.