Ɓaɛbulanía 10:23 - Ɔngana á Kɛ̌kɛ

²³ Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 10:23 Iomraidhean Croise

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

2 Ɓakɔlítɔ 9:13

Ɓǒphangiande ɓakpa base ekuma nɛnu ánjá. Ɓakpa ɓásii ɓánɗɔkɔmisande Mokonga ka nyɔngɔ á ɔ́kapha anu. Nndɔ ungɔ aoɗigimisa ɓeekea nɛnu ka Mbino-Ánjá ndea Kiísito. Ɓámbebande phɔtɔ ka nyɔngɔ á ɓonjánja nɛnu ka égabea ɓɔ nkumba nɛnu na ɓuangbo ɓɔbu.

1 Ɓatɛsalɔníka 5:24

Mokonga, mmbé anɔɔphani, atɔtɔkisande nyɔngɔ ndɔ bui, ka nyɔngɔ nde, nnaotinganisa mɔkɔ nɛkɛ.

2 Ɓatɛsalɔníka 3:3

Mɔkɔta a tɔ ɔtɔtɔkisa nnde ɗáyɔngi. Anógbagisande ka měma, anóambande na Nketi.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Ɓaɛbulanía 11:11

Ka nyɔngɔ á ɓeekea, Sála phɔtɔ ka kophomi akɛ ɗátɔi ɓukpɛkpɛ á kumba á éme nanga ɓî ɗátú ngomba. Ɗátú ɓondɔ ka nyɔngɔ nde ɗánseɓei Mokonga, mmbé ɗámɔku gea te, aɓande ama k'ɛɓɔkɔti.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 3:14

Nga, ɓe tɔ oɓá kimoci na Kiísito ámbé ɓeambi akpɛ ɓeekea nde ɗéɓekpangi ně na ka ɓî ɓegande ojúa ka sungiaga.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

Yakɔ́ɓɔ 1:6

Ámɛmɛ ndiu ú na měma á ɓeekea, kángá á ngǎka. Nga, mmbé ana ngǎka, ande ɓea kɛtɛmbɔ á iɓo k'óɓenge, nnde maiphianɔ aoémisaga nci gbɔgbɔ.

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.