Ɓaɛbulanía 10:22 - Ɔngana á Kɛ̌kɛ

²² Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 10:22 Iomraidhean Croise

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Lóka 1:1

Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Yoáni 3:5

Yéso áonsikisia: «Nekongoɗi ɗoni gea, nkpa nde káɓɔkɔtɛani ka iɓo na ka ɓukpɛkpɛ á Měma, kángiɛku ka koɓoamɛ ndea Mokonga.

Yoáni 8:9

Ɓî ɓáɔ́ki ye ɓó, ɓatɔngi ɓɔbu ɓáojuana moci-moci. Ɓagbɛga ɓáokpanga juana, Yéso áojiga sasakɛ, nke ndɔ n'amamege tɔ mosá akɛ.

Ekuma á ɓateki 22:16

Cɔ, kɛ̌kɛnde, kema sina nde ooɓondea? Má, ɓáoɓatisɛ, ɔ́mɛmɛ Mokonga ka gea te, áímɛ ɓojeɗe nɛkɔ.›

Ekuma á ɓateki 8:21

Kóna ka nyɔngɔ wani phɔtɔ n'ebigɔ wani. Nga, kanisia akɔ nna ánjá mosá á Mokonga.

1 Ɓakɔlítɔ 6:11

Cɔ, ka ɓenu ɓuangbo ɗáɓátú tɔ ɓondɔ. Mokonga â gǎkɛ onósokosea, áɔnɔsɔmbɔa gea te, ɓóɓɛ ɓakpa nɛkɛ, áonótanga ɓato á koɗoni k'ína á Mɔkɔta nɛsu Yéso Kiísito na ka Měma á Mokonga nɛsu.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Ɓaɛphɛ́sɔ 6:5

Ɓenu ɓakɔɓɛ, ɓáni kusi á ɓakɔta nɛnu á ka mokonda, óɗokomisani na ɓánga aɓɔ kángá á maibe, ɓíndɔ ɓoombɛɗaneaga Kiísito.

1 Timɔtɛ́ɔ 4:2

Ɓáedemisande na ɓato á maibe, na ɓato á mbɛa íɓunde měma aɓɔ aújúkani ɓea kema nde ɓátoɓu na ngɔa nde atóki suɓi á nsa.

Títɔ 3:5

áosóamisa ka měma. Nna gǎkɛ ka nyɔngɔ á ekuma ánjá nɛsu nnde ɓɛtɔtɔkisi unge agi ně ɓó, a ndiu ka kuia asu ngomi. Ɗásóamisi ka měma ka opha asu enda á kɛ̌kɛ ka iɓo á oɓatisɔ na Měma á kanga ɓojeɗe.

Ɓaɛbulanía 10:1

Ɛɔphi ndea Mósa a tɔ na iimbiɔ á kema ánjánja nde aobika. Nna gǎkɛ ophangia koɗoni á kema kau. Nanga ɓakpa ɓáphúia ɔphɛ́ɔ ndɔ ka saga bui, nna tanda ɔtɔka n'aími ɓojeɗe á ɓakpa nde ɓáobika mosá á Mokonga.

Ɓaɛbulanía 10:19

Cɔ, ɓaya! Ka nyɔngɔ á magia á Yéso unge ɓéké na ká ngǎka ka ngia k'ɔ́ma á kanga ɓojeɗe phɛɛ.

Ɓaɛbulanía 11:28

Ka nyɔngɔ á ɓeekea, Mósa ɗági Pasáka á k'ama mosá-mosá, áǒsosea Ɓaisilaɛ́li gea ɓásiɛ́ magia ka igǎnga éndu nɛɓɔ gea malaéka á kukuwa kěmowɛmbɛ ɓ'ánge ndea Ɓaisilaɛ́li.

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.

Ɓaɛbulanía 9:10

Nndɔ bui atɔndɔ ka nyɔngɔ á kema á koea, kema á onoa na moangɔ ɗanga-ɗanga á sokosea á ɓojeɗe á nkpa. Kantíti índɔ ɗásungíígi ka mbenɔ nde Mokonga ɗáɓɔngisigi moangɔ á kɛ̌kɛ.

Ɓaɛbulanía 9:19

Eya! Mósa ɗátɔ̌mi mosá á ɓakpa ɓɔbu moangɔ ɗanga-ɗanga ɓíndɔ ɛɔphi asosi, mpɔ áɔbɛɗa magia á mponjo á ngɔmbɛ na magia á mǔku á mɛmɛ, â phɔtɔ ɔbɛɗa iɓo. Áɔbɛɗa gbútu-gbútu á me nde ɓáɔɔphana isɔpɔ, áoɓóaga na ngoi ánjɛ, áocaɗisaga ú ka ɓuku nde ɗáɗundu ɛɔphi suɓi í. Â phɔtɔ ǒcaɗisiaga ɓakpa.

Yakɔ́ɓɔ 1:6

Ámɛmɛ ndiu ú na měma á ɓeekea, kángá á ngǎka. Nga, mmbé ana ngǎka, ande ɓea kɛtɛmbɔ á iɓo k'óɓenge, nnde maiphianɔ aoémisaga nci gbɔgbɔ.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.