Ɓaɛbulanía 10:20 - Ɔngana á Kɛ̌kɛ

²⁰ Yɛ asókoɗei aphe á kɛ̌kɛ á ɓoamia ka nyɛ́nyɛa bɔngɔ agbae éndu á Mokonga. Bɔngɔ ndɔ ande nyama akɛ sasakɛ.

Ɓaɛbulanía 10:20 Iomraidhean Croise

Matáyɔ 27:51

Cɔ, ka mbenɔ ndɔ, ngɔ́mbɛ á suɓi éndu á Mokonga áɔnyɔka ka phaeka iɓɛ, k'égo áobika osungia kusi. Oɗo áoɗenga, okanga áobomokaga.

Málikɔ 15:38

Ka mbenɔ ndɔ, ngɔ́mbɛ á suɓi éndu á Mokonga áɔnyɔka ka phaeka iɓɛ, k'égo áobika osungia kusi.

Lóka 23:45

Maní áoímika. Ngɔ́mbɛ á suɓi éndu á Mokonga áɔnyɔka ka měme.

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ɓaɛphɛ́sɔ 2:15

Ɗáphúi ɛɔphi ndea Ɓayúda na nyɔngɔ ɗanga-ɗanga ɛ́ɔphi ka jukanisa ekuna ndɔ iɓɛ áɓɛ tɔ moci na á kɛ̌kɛ ka ɔngana na yɛ. Mpɔ, áobisa ɓujɛjɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

Ɓaɛbulanía 9:3

Ɔma á ko iɓɛ ɗáɓáɔɔphana ɔma á kanga ɓojeɗe phɛɛ. Bɔngɔ agbae unge ɗákatisani ɔma ndɔ a iɓɛ.

Ɓaɛbulanía 9:8

Ɓondɔ unge Měma á kanga ɓojeɗe aphangi gea: Aphe á ngia k'ɔ́ma á kanga ɓojeɗe phɛɛ kaúkúkanimbɛ mbenɔ nde moangɔ á mosá a phɔ́tɔ ɓei.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 4:2

Cɔ, ɓɔɔtɔka ɗigimisa Měma á Mokonga ɓe: Nkpa buakɛ mmbé aɓeeki gea Yéso Kiísito aɓɔkɔtɛani na nyama á kokpa, ana Měma á Mokonga.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.