Ɓaɛbulanía 1:8 - Ɔngana á Kɛ̌kɛ

⁸ Ka phɔa Miki ndeakɛ, Mokonga áɔyɔnga ndiu gea: «Oo! Mokonga! Kankaanga á koɓoamɛ ndeakɔ aɓande ka saga na saga. Ɔbɛɗanagande na motumbɔ á koɓoamɛ ndeakɔ ka koɗoni.

Ɓaɛbulanía 1:8 Iomraidhean Croise

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Lóka 1:75

ɓéɓɛ na ɓonjánja na koɗoni mosá akɛ ka enda asu bui.

Yoáni 10:30

Abɛ n'eme, ɓe tɔ nkpa mo.»

Yoáni 10:33

Ɓayúda ɓáonsikisia: «Ɓékéokomowa n'ɛtɛ ka nyɔngɔ ékuma ánjá. A ndiu ka nyɔngɔ á boma á Mokonga. Ka nyɔngɔ nde, oɓɛ ímbɔ nkpa ogi sasakɔ te, onde Mokonga. Nndɔ, ande bóma á Mokonga.»

Yoáni 20:28

Tɔmá áonsikisia gea: «Hoo! Mɔkɔta nɛmɔ na Mokonga nɛmɔ!»

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

1 Ɓakɔlítɔ 15:25

Nga, akeni Kiísito ámameɛ nji bubui na ka ɓî Mokonga aebisande ɓaɓiɓia nɛkɛ ɓɔbu kusi écinji akɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.