Ɓaɛbulanía 1:6 - Ɔngana á Kɛ̌kɛ

⁶ Ɓî Mokonga ɗámbikisi Miki nɛkɛ ánge ka mokonda, â ndiu ɔyɔnga gea: «Ɓamalaéka ndea Mokonga ɓɔbu ɓágbukɛ muanku mosá akɛ.»

Ɓaɛbulanía 1:6 Iomraidhean Croise

Matáyɔ 24:14

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Ɓalɔ́ma 8:29

Nga, ɓakpa nde Mokonga ɗɛ́sɔmbu kala, ɗáeangei phɔtɔ kala gea, ékengeanisɛ na Anakɛ, ka gea Anakɛ áɓɛ ánge mmbé ana ɓamɔtɔakɛ ɓásii.

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

Ɓakɔlɔsái 1:18

Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

Ɓaɛbulanía 1:5

Nga, nna na ka ɓamalaéka nde Mokonga angoɗimbɛ mɔnɔ gea: «Oɓɛ onde Miki-Mǒko ndeamɔ. Kesande eme nende Abakɔ.» Goto kángoɗimbɛ mɔnɔ tanda ka ɓamalaéka: «Neɓande ka yɛ, Abakɛ na aɓande k'éme, Miki-Mǒko.»

Ɓaɛbulanía 10:5

Kaɓondɔ unge, mbenɔ á ngia á Yéso ka mokonda ɗáyɔngi gea: «Ɗókókóndi ɔphɛ́ɔ na ɛkɔmi ka Mokonga, ô ndiu oconja nyama á kokpa ka phɔani.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

1 Yoáni 4:9

Ɔ́nani ɓî Mokonga ɗáɔnisi ekondi nɛkɛ ka ɓesu: Ɗánteki ngɔmu nɛkɛ ka mokonda ka gea te, ɓéɓɛ na enda á mɛyɔ ka phɔakɛ.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.