Ɓaɛbulanía 1:3 - Ɔngana á Kɛ̌kɛ

³ Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 1:3 Iomraidhean Croise

Matáyɔ 22:24

«Ngoisigi, ɛɔphi ndea Mósa agi te: ‹Aoɓá mǒko n'aku kángá á ɓɔkɔta, muna-amakɛ angííande nke á kekusa ndɔ ka gea, ámɓɔkɔteɛ nkú ɓaniki.

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 1:4

Yɛ, ɗátú cina á enda, enda ndɔ áoɓá owanga ka ɓakpa.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ekuma á ɓateki 7:56

Áɔyɔnga te: «Ɔ́mɔɔ́kani! Nɛɔni koba n'akoɗokani, Muna-Nkpa, n'amamege ka njaga á mǔku á Mokonga.»

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓakɔlɔsái 3:1

Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 1:13

Mokonga kángoɗimbɛ mɔnɔ tanda ka ɓamalaéka ndeakɛ: «Ika ka njaga ani á mǔku, na ka ɓî něbisande ɓaɓiɓia ndeakɔ kusi á ecinji akɔ.»

Ɓaɛbulanía 10:12

Kiísito ɗábisi ndiu nyama akɛ sasakɛ k'ɔ́phɛ́ɔ mɔngɔ ímoci tɔndɔ ka íma á ɓojeɗe. Mbusa á í, áoika ka njaga á mǔku á Mokonga ka saga na saga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 7:27

Yéso atingani na ɓagbɛga á ɓatoɓeigi-phɛ́a ɓunde á mosá. Yɛ nna na siki á toɓoa phɛ́a esa bui ka nyɔngɔ á ɓojeɗe nɛkɛ, mbusa í, ka nyɔngɔ á ɓojeɗe á ɓakpa ɓɔbu. Mbenɔ nde ɗábisi nyama akɛ k'ɔ́phɛ́ɔ mɔngɔ ímoci, nndɔ asungíígi tɔ ɓó.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Ɓaɛbulanía 9:16

Nga, ɔma nde ɓaoɓa á gabisana á nkumba a ɓei, aánjá ɓoengekisɛ gea nkpa nde aɗundu ɓaoɓa ndɔ aye n'aku.

Ɓaɛbulanía 9:26

nga, atúoɓá n'aɓó, ámbé ɗátambigi mongɔ ásii kpanga á conjá á mokonda. Cɔ, kɛ̌kɛnde ka mbenɔ á sungiaga, Kiísito aɔnɛkani tɔ mɔngɔ ímoci ka gea áímɛ ɓojeɗe ka ɓî yɛ sasakɛ aku ɓea nyama á phɛ́a.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.

2 Pɛ́tɛɛ 1:17

Nga, Abɛ Mokonga ɗámophi ɓokutú na ɓoombia, mbenɔ nde ɛsɔ á Mokonga mɛna-ɓoombia ɗáyɔngi gea: «Mmbé ande Miki nɛmɔ ékondi. Yɛ, amɔɓɔngɛi phɛɛ.»

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.

Yúda 1:25

Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»