2 Pɛ́tɛɛ 3:7 - Ɔngana á Kɛ̌kɛ

⁷ Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.

2 Pɛ́tɛɛ 3:7 Iomraidhean Croise

Matáyɔ 10:15

Nenóngoɗi ɗoni te, tena á nyɔngɔ á nji ndɔ, anyɛ́nyande nnde á Sɔdɔ́ma na Gɔmɔ́la.»

Matáyɔ 11:22

Ka nyɔngɔ índɔ unge nenóngoɗi gea, esa á tena á nyɔngɔ, nyɔngɔ nɛnu aɓande akpɛ kɔnyɛ́nya nnde á Tílɔ na Sidɔ́na.»

Matáyɔ 11:24

Ka nyɔngɔ índɔ unge nenóngoɗi gea, esa á tena á nyɔngɔ, ɓátenande nyɔngɔ ínɛnu akpɛ kɔnyɛ́nya nnde á Sɔdɔ́ma.»

Matáyɔ 12:36

Nenóngoɗi base gea, esa á tena á nyɔngɔ, ɓáeúsiagande ɓakpa ka phɔa yɔnga á jǎi-jǎi nde ɗáɓáɔyɔngaga.

Matáyɔ 24:35

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Málikɔ 6:11

A gǎkɛ oɓá na ɓákánosesi ka nji moci na ɓákáɔnɔ́ɔ́ka, tókani ɓei, ciciagani mpusu á oɗo bui nde a k'écinji anu ka ubisa aɓɔ gea te nyɔngɔ ěguiaeka.»

Yoáni 12:48

Nkpa nde amoyé, na nnaoɓeekea nyɔngɔ nɛmɔ ɓátenaeka nyɔngɔ nɛkɛ akpɛ. Nyɔngɔ nde ɗéyɔngi aunge, atenaeka nyɔngɔ akpɛ k'ésa á sungiaga á mokonda.

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

1 Ɓakɔlítɔ 3:13

Cɔ, k'ésa á tena á nyɔngɔ, etéte á ekuma ndea nkpa na nkpa aɔnɛkanande base. Esa ndɔ, aɓande na nsa, nsa ndɔ unge, aphangiande base etéte á ekuma ndea nkpa na nkpa.

Ɓaphilípi 1:28

Ɓókǒɓangɛmbɛ tanda ɓaɓiɓia nɛnu. Ka ɓɔ, nndɔ ande mphangiɔ á ɓungaga aɓɔ, na ka ɓenu, nndɔ ande mphangiɔ á ɓoamia nɛnu ka měma, nnde Mokonga atɔtɔkisi.

2 Ɓatɛsalɔníka 2:3

Ka nkpa kanódemɛ mɔnɔ k'aphe bubui. Ka nyɔngɔ nde mosá á esa ndɔ, ɓakpa ɓásii ɓán'yande Mokonga, na Nto á otúkɔtúkɔ áɔsɛnɛka, mmbé sungiaga akɛ ande ɓúngaga.

1 Timɔtɛ́ɔ 6:9

Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

Ɓaɛbulanía 12:29

Eya, Mokonga nɛsu ande nsa nde aɔɛkɛkisaga.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.

2 Pɛ́tɛɛ 3:12

ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.

1 Yoáni 4:17

Aoɓá ekondi á ɗoni á ɗoni n'aɔnɛkana sɔsɔɓɛ asu, ɓeɓande na nseɓeɔ k'ésa á tena nyɔngɔ nga, enda asu ka mokonda ndee, akengeani na nnde á Yéso Kiísito.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 17:11

Nyama nde ɗáoenda na nna ye ɓei, yɛ sasakɛ ande moamɛ á ko ngianjaga isaɔ. Ande sɔsɔɓɛ á ɓaamɛ ngia njaga iɓɛ (7) ndɔɔ, mmbé age gǎkɛ oɓúngaga.

Mphaniɔ 17:8

Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!

Mphaniɔ 20:11

Mpɔ, nɛ́ɔɔna kankaanga ángbó á kɔkɔta ábu na mmbé ɗáikiɗíí. Koba na mokonda, áondia mosá akɛ kaɔnɛkanɛ ye,

Mphaniɔ 21:1

Mpɔ, nɛ́ɔɔna koba á kɛ̌kɛ na mokonda á kɛ̌kɛ nga, koba á kala na mokonda á kala, ɗándǐ. Oɓenge ɗákátú ye ɓei.