2 Pɛ́tɛɛ 3:2 - Ɔngana á Kɛ̌kɛ

² Kanisiani nyɔngɔ nde ɓaɔtu-nyɔngɔ ndea Mokonga ɗáɓánógoisigi ka phɔa Mɔkɔta na Namisi.

2 Pɛ́tɛɛ 3:2 Iomraidhean Croise

Lóka 1:70

A tɔ ɓíndɔ ɗátɔ̌mi kala k'aphenɔkɔ á ɓaɔtu-nyɔngɔ nɛkɛ.

Lóka 24:27

Mpɔ Yéso áɔ̌tɔmiaga base nyɔngɔ nde ɗáɓáyɔngi ka phɔakɛ suɓi á Ɓuku á Mokonga buakɛ, kpanga k'índe á Mósa na tútuisa ka ɓuku bui á ɓaɔtu-nyɔngɔ ndea Mokonga.

Lóka 24:44

Mpɔ Yéso áǒngoɗea ɓagoigi nɛkɛ te: «Ɓɔɔni nyɔngɔ nde ɗénóngoɗi na ne phɔ́tɔ na ɓenu gea: Ambe kema bui nde ɗáɓáɗundu ka phɔani suɓi á ɓuku ndea Mósa, nnde á ɓaɔtu-nyɔngɔ ndea Mokonga na nnde á Jabúi átɔtɔkɛanɛ.»

Ekuma á ɓateki 10:43

Ɓaɔtu-nyɔngɔ ndea Mokonga ɓɔbu ɗáɓán'yɔngɛi gea, nkpa buakɛ, mmbé aomɓeekea, Mokonga áímande ɓojeɗe nɛkɛ ka ɓukpɛkpɛ á ina á Yéso.»

Ekuma á ɓateki 28:23

Ɓakɔta á Ɓayúda ɓunde ɗáɓátú ka Lɔ́ma ɓáɔɔ́kana na Pɔ́lɔ esa á dondana goto na ɓɔ. Esa kau, ɓáodondanaga ɓakpa ɓásii k'ɔ́ma ndɔ ɗáoikaga. Kpanga á kamɓimba na ka ɓî age ojua ɔgɔgɔ, Pɔ́lɔ n'aɔ́tɔmiaga, na úbisa aɓɔ nyɔngɔ á koɓoamɛ ndea Mokonga. Áokaɓa gea, ɓámɓeekeɛ Yéso n'aokumia ɛɔphi ndea Mósa na ɓɔphɛi ndea ɓaɔtu-nyɔngɔ ndea Mokonga.

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ɓagalatía 6:2

Ɓî a ɓó, ambe nkpa na nkpa ákumbɛ ɓoɗoko á dakɛ. K'aphe ndɔ unge, ɓoɓeande ɛɔphi ndea Kiísito.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

1 Timɔtɛ́ɔ 6:14

amba ɛɔphi nde ɗɔ́ɔ́ki, ɓá nto á koɗoni, kángá kisɛki na ka ɓî Mɔkɔta nɛsu Yéso Kiísito asɛnɛkaeka.

2 Pɛ́tɛɛ 2:21

Atú ye phɔ́ oɓá ánjá ka ɓɔ, ámbé ɗáɓákáúbi aphe á ɗoni. Cɔ, ɗáɓáúbi ye, ɓâ gǎkɛ oɗeketa ɛɔphi ánjá nnde ɗáɓěgoisigi.

2 Pɛ́tɛɛ 3:15

Úbani ánjá gea, phiphia ndea Mɔkɔta nɛsu, aunge ande ɓoamia nɛnu á ka měma. Nndɔ unge Pɔ́lɔ, dasu ékondi, ɗánóɗundui phɔtɔ na kɔɓɔɔngɛ nde Mokonga ɗámophi.

2 Pɛ́tɛɛ 3:16

Ɗáɗundu tɔ ɓó suɓi á ɓaoɓa nɛkɛ bubui ɔma nde ɗáyɔngi nyɔngɔ ndɔɔ. Suɓi á ɓaoɓa ndɔ, a gǎkɛ na ɔma ákpɛkpɛ ka engekisa í. Kaɓondɔ, ɓabóbó na ɓunde měma aɓɔ kámɔti, ɓáoketia kantíti á nyɔngɔ ndɔ, ɓíndɔ ɓáogea k'ɔ́ma nɛngbo suɓi á Ɓuku á Mokonga. Ka gea aɓɔ ɓó, ɓáǒtúkatúka sasaɓɔ.

1 Yoáni 4:6

Ɓesu gǎkɛ, ɓende ɓakpa ndea Mokonga. Nkpa nde aomúba yɛ, aɔsɔɔ́ka. Mmbé nna gǎkɛ nkpa ndea Mokonga, nnaɔsɔɔ́ka. K'índɔ unge ɓeoɗigimisa Měma á Mokonga ɗoni, na měma índe ana kisɛki.

Yúda 1:17

Cɔ, ɓenu gǎkɛ, ɓadani ékondi, kanisiani phɔ́ nyɔngɔ nde ɓateki ndea Mɔkɔta ndeasu Yéso Kiísito ɗáɓáyɔngi kala.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»