2 Pɛ́tɛɛ 3:16 - Ɔngana á Kɛ̌kɛ

¹⁶ Ɗáɗundu tɔ ɓó suɓi á ɓaoɓa nɛkɛ bubui ɔma nde ɗáyɔngi nyɔngɔ ndɔɔ. Suɓi á ɓaoɓa ndɔ, a gǎkɛ na ɔma ákpɛkpɛ ka engekisa í. Kaɓondɔ, ɓabóbó na ɓunde měma aɓɔ kámɔti, ɓáoketia kantíti á nyɔngɔ ndɔ, ɓíndɔ ɓáogea k'ɔ́ma nɛngbo suɓi á Ɓuku á Mokonga. Ka gea aɓɔ ɓó, ɓáǒtúkatúka sasaɓɔ.

2 Pɛ́tɛɛ 3:16 Iomraidhean Croise

Matáyɔ 15:3

Mpɔ Yéso áǒsikisia te: «Ka nyɔngɔ sina nde ɓenu ɓo gǎkɛ otingiaga ɛɔphi ndea Mokonga, ka nyɔngɔ á ɓeá asii nɛnu?

Matáyɔ 15:6

Nkpa ndɔ nnaonɗokomisa abakɛ n'amakɛ. Kaɓondɔ, ɓɔɔɓɛnjiaga nyɔngɔ ndea Mokonga ka ɓeá asii nɛnu.

Matáyɔ 22:29

Yéso áǒsikisia te: «Ɓǒdema sisanu nga, ɓókóoúba kaɓɛ Ɓuku á Mokonga kaɓɛ ɓukpɛkpɛ nɛkɛ.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓaɛbulanía 5:11

Cɔ, ɓena nyɔngɔ ásii á yɔnga í. A gǎkɛ akpɛ ka úbisa anu base nga, ɓo ɓáɗǒ ka ɗigimisa á kema.

Yakɔ́ɓɔ 1:8

ka nyɔngɔ nde, ana mɔphɛ iɓɛ, nna phɔtɔ na měma á esimbia ka tambea akɛ.

1 Pɛ́tɛɛ 1:1

Eme Pɛ́tɛɛ, nteki nde ɓa Yéso Kiísito, aámbé neɗundu ɓaoɓa ndee. Neɗundu ka ɓakpa nde Mokonga ɛ̌sɔmbu, ɓunde ɗáɓáphanjekani na ɓáoenda ɓea ɓakɛni ka ntanga-nji á ka Pɔ́ntɔ, Galatía, Kapadɔkía, Asía, na Bitinía.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Pɛ́tɛɛ 2:14

Ɓána iso-iso phɛɛ, ɓáká tanda kɔɛla na gea á ɓojeɗe. Ɓáǒdema ɓakpa nde ɓákákákámani ka ɓeekea. Měma aɓɔ atúmi na mɔphɛ ájeɗe á tɔá kema bubui. Mokonga aɛsɛmɛigi.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

2 Pɛ́tɛɛ 3:2

Kanisiani nyɔngɔ nde ɓaɔtu-nyɔngɔ ndea Mokonga ɗáɓánógoisigi ka phɔa Mɔkɔta na Namisi.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.